روى شريف ناجى، زوج الدكتورة أنيسة حسونة، تفاصيل الساعات الأخيرة فى حياة عضو مجلس النواب السابقة التى توفيت اليوم الأحد بعد صراع مع المرض.
قال ناجى خلال مداخلة هاتفية إلى برنامج "كلمة أخيرة" الذى تقدمه الإعلامية لميس الحديدى على قناة "ON" إن: "ليلة تكريم السيدة انتصار السيسى تفاجأنا باتصال يخطرها بتكريم حرم الرئيس عبدالفتاح السيسى لها وقالت لى وقتها (هروح إزاى بحالتى دي)، وكانت رجليها مش شايلاها وقلتلها (هتروحي)، ومن هنا جاءت فكرة الكرسى المتحرك".
تابع: "التكريم رفع بشكل كبير حالتها المعنوية ورجعت فرحانة وقالت (حسيت أن الدولة بتطبطب عليا)، ورديت وقولت ليها (مش الدولة بس اللى بطبط عليكى، ربنا طبطب عليكي) وفضلنا طول الليل إمبارح نعمل أشاعات وفحوصات ورجعت منهكة وتعبانة البيت ونامت وكانت يادوب بتروح الحمام بمساعدتنا طول الليل، كان توتر وتعب ومكانتش قادرة تعمل معانا أى حركة، والصبح قعدت ربع ساعة أو نص بالكتير وأمر الله نفذ".
أكمل: "ربنا يتولاها برحمته والحمد لله على ماقدمته وخيرها ودعاء الناس مفروش أمامها قبل ماتموت"، معربًا عن امتنانه الشديد لتكريمها فى أخر أيامها لأن هذا أشعرها أن الدولة تعطى اهتمام وتقدير لها.
لفت إلى سنوات المرض كانت قاسية عليها لكن عزيمتها كانت قوية، متابعًا: "هفتقد كل شيء بشكل كامل بعد وفاتها، وبعتبر نفسى محظوظ أن شريكة حياتى كانت أنيسة حسونة".
تم أضافة تعليقك سوف يظهر بعد المراجعة