قال الدكتور حسام بدراوى الطبيب والسياسى الشهير ومستشار الحوار إن المأذونين أحيانا يقولون كلاما يرسخ للذكورية ويقلل من قيمة المرأة خلال عملية الإشهار، وحكى فى لقائه مع تامر إسماعيل فى برنامج "أهلا بيك" على تليفزيون اليوم السابع أنه يوم كتب كتاب ابنته جلس مع المأذون فى غرفة وحدهما وسأله "هتقول إيه بالظبط في الإشهار".
جاء ذلك ردا على سؤال "إيه أكتر شرط كنت مهتم بيه فى زواج ابنتك"، واستطرد قائلا: "أنا هحكى موقف أهم من فكرة الشرط" وحكى ما فعله مع مأذون فرح ابنته، وأضاف بدراوى: "أهم حاجة فى الراجل إنه يكون بيحترم المرأة ويقدرها، وهو ده الشرط اللى كنت بفكر فيه فى اختيار زوج ابنتى والحقيقة إنه ربنا كرم ابنتى بزوجها واحترامه وتقديره ليها وللمرأة بشكل عام".
وعن بعض ما يثار من أزمات تخص الأسرة فى المجتمع قال بدراوى:"أنا شايف إن السوشيال ميديا بتنقل صورة غلط عن الأسرة المصرية، الحقيقة إن الأمر مش بالسوء اللى الناس دايما بتركز عليه، واللى بيحصل ده هدفه ضرب المجتمع وتدميره، لكن بشكل عام اللى يقوى الأسرة ويخليها مستقرة هو الصدق والاحترام ومش مجرد الحب الجارف لإنه بيروح مع الوقت لكن يتبقى الصدق".
برنامج "أهلا بيك" يذاع على تليفزيون اليوم السابع كل سبت ويقدمه تامر إسماعيل وأعدت الحلقة هدى أبو بكر، وصورها حسام عاطف ومحمد نبيل ومحمد عبد المنعم.
تم أضافة تعليقك سوف يظهر بعد المراجعة