استرجعت الفنانة نادية شكرى التى جسدت دور "سوسو السكرى" بمسرحية العيال كبرت العديد من الذكريات، وقالت خلال ظهورها ببرنامج "واحد من الناس" إنها صديقة الفنان الراحل أحمد زكى منذ أيام الدراسة بالمعهد.
وكشفت: "مرة خلال كواليس المسرحية جه أحمد زكى وأنا بحط ميكب بيكلمنى وبرد عليه فقال لى إنت مش مهتمة ليه فضربنى بالقلم لدرجة إنى عيطت فقالى شكلك قمر وإنت معيطة فضحكت".
وعن سبب مقاطعة والدها لها قالت: "أنا أصريت أتجوز الفنان الراحل سامى العدل وكان والده صاحب أبويا وبسبب الصلة دى كان أبويا رافض لأنه كان عارف شقاوة سامى ومع إصرارى على الجواز رفض واتخانق معايا ما اتكلمناش لحد عرض العيال كبرت وبعدها كلمنى".
وعن كواليس ترشحها لدورها الشهير فى مسرحية "العيال كبرت" قالت: "الفنان الكبير الراحل محمود مرسى هو اللى اقترح اسمي في العيال كبرت أثناء تواجده فى مكتب سمير خفاجى، خاصة أن مشيرة إسماعيل اللى كانت بتعمل الدور وقبل 3 أيام من عرض المسرحية حصل ليها ظرف إلا أن محمود مرسى قال لهم عليا لأنه كان أستاذى فى المعهد".
وعن أسباب انفصالها عن الفنان الراحل سامى العدل قالت: "أنا غيورة جدا وهو كان شقى جدا واتجوزنا 4 سنين وكان طيب بدرجة كبيرة وكنت بحبه جدا حب غير عادى وعيلته كلها أهلى ولحد دلوقتى علاقتنا أكتر من رائعة وبنتى خدت من سامى الجدعنة".
تم أضافة تعليقك سوف يظهر بعد المراجعة