قدم تليفزيون اليوم السابع، تغطية خاصة عن جريمة بعنوان الضحية قطة والجانى كلب والمتهم سيدة بالتجمع، من إعداد محمود جلال، وتقديم شيرين أشرف، كل يوم بنسمع عن قضايا وحوادث مختلفة وغريبة، لكن الأحياء الراقية دايما بتكون فيها الحوادث أكتر غرابة.
النهاردة في التجمع الخامس، كانت الضحية قطة والجاني كلب، أيوه، النيابة النهاردة كانت بتحقق في قضية الجاني فيها كلب والضحية فيها قطة والمتهمة فيها سيدة، الموضوع ببساطة إن سيدة سابت الكلب بتاعها في الطريق العام من غير أي سلسلة أو قناع، فدخل الكلب حديقة شقة سكنية، وعض قطة وتسبب في وفاتها.
من المعلومات الواردة في تقرير النيابة، إن نوع الكلب جولدن ريتريفر وعنده 8 سنين ونص، وإن لما راحت صاحبة القطة اللي ماتت لصاحبة الكلب اتكلمت معاها بأسلوب وحش، وقالتلها إن الغلط عندك لإنك سبتي باب الحديقة مفتوح، وهو دا اللى خلي الموضوع يكبر ويوصل للنيابة.
من جانبها، أمرت النيابة العامة إيداع الكلب محل الواقعة بالمستشفى البيطرى بالعباسية التابعة لهيئة الخدمات البيطرية مع إلزام مالك الحيوان بكافة مصروفات الإقامة والتغذية خلال فترة الملاحظة لمدة 15 يوما، على أن تشكل لجنة مديرية الطب البيطرى لفحص الكلب محل الواقعة لبيان نوعه وجنسيته ولونه، وبيان عما إذا كان يعانى من مرض الكلب أو العقور أو الشراسة من عدمه، وعما إذا كان صادر بشأنه تراخيص من مديرية الطب البيطرى من عدمه، وعما إذا كان قد صدر له شهادات خاصة بالتطعيمات من عدمه على أن توافى بتقرير مفصل يعرض على النيابة في حينه، فضلا عن تحريات المباحث حول الواقعة وظروفها وملابساتها.
تم أضافة تعليقك سوف يظهر بعد المراجعة