فيسبوك
واتساب
"أنا سنى دلوقت 85 سنة عشت عمري كله عشان ولادى بعد ما ربنا رزقني بـ10 أولاد منهم 7 صبيان والـ3 بنات، وكان جوزى الله يرحمه ابن خالتي، اتنقلنا من الفيوم وأنا عمري 15 سنة وعشنا حياتنا كلها هنا في الجمالية، وطول عمري بحب الحياة".. هكذا بدأت الحاجة حسنية الملقبة بجميلة جميلات الجمالية تروي لنا حكايتها.
وقالت الحاجة حسنية لـ"اليوم السابع": أتولدت في الفيوم ودخلت المدرسة لكننى تركتها عندما تزوجت ابن خالتي ووقتها كان عندى 15 سنة وانتقلنا إلى منطقة الجمالية وعشنا أياما كلها جميلة، وكان زوجى بيشتغل في ورشة أحذية وعمره ما كان بيرفض لي طلب ودايما كان بيغير علىَّ عشان أنا كنت جميلة، وكل ما كنت انزل الشارع كتير كانوا بيعاكسوني.
وأضافت "الحاجة حسنية": كنت بحب أسمع أغانى فريد الأطرش وأم كلثوم وخضرة محمد خضر ودلوقت بحب أسمع أغانى شعبية زى عبد الباسط حمودة، وبتفرج علي المسلسلات وبحب أي مسلسل فيه دراما وحزن وأفضل أبكى.
وأضافت "الحاجة حسنية": كنت بحب أسمع أغانى فريد الأطرش وأم كلثوم وخضرة محمد خضر ودلوقت بحب أسمع أغانى شعبية زى عبد الباسط حمودة، وبتفرج علي المسلسلات وبحب أي مسلسل فيه دراما وحزن وأفضل أبكى.
وعن أمنيتها في الحياة، قالت "الستر والصحة وراحة البال" أهم حاجة في الدنيا ومش محتاجة غير أن ربنا يكرمني في ابني الصغير، ويتجوز واشوفوا عريس قبل ما أموت.
