الشغل مش عيب.. أنا بدرس فى كلية دار علوم وبالليل عملت مشروع صغير لبيع القهوة على العجلة، وبسعى على رزقى وبحاول أساعد نفسي ".. بتلك الكلمات بدأ محمد يروى تفاصيل حكايته مع مشروع العجلة الكافيه المتنقل التى علق عليها لافتة " طول ما التلاجة محتاجة اشتغل أي حاجه".
وقال محمد إسماعيل لـ"اليوم السابع"، إن الفكرة جاءتنى صدفة وأنا كنت متعود دايما أعمل قهوة بنفسي لاصدقائي في البيت أثناء المذاكرة وكانت دايما قهوتي تنال إعجابهم ومن هنا فكرت اعمل المشروع وقررت أحوّل العجلة لمشروع أستطيع من خلاله زيادة دخلى".
وأضاف محمد: "بقف كل يوم من الساعة 4 مساء حتى 1 صباحا، وببيع قهوة للناس في الشارع وقهوتى بتعجبهم وبيشجعونى ونفسي مشروعي الصغير يحصل على ترخيص ويكبر وأقدر أحقق حلمى".
تم أضافة تعليقك سوف يظهر بعد المراجعة