يجتمع تجار المواشى بكافة أنواعها يوم السبت من كل أسبوع بسوق تلا بمحافظة المنوفية، ولكن السوق ينشط في هذه الأيام نظرا لاقتراب عيد الأضحى المبارك وهو الموسم الأكبر لهم، حيث يخرج كل تاجر ما في جعبته من مواشى قام بتربيتها طوال العام لببيعها وجنى المال .
ويقدم تجار المواشى نصائح هامة لكل "مضحى" قبل شرائه للأضحية، من خلال عدسة "اليوم السابع"، قائلين، "أسعار البقرى قايم بـ 57 جنيها والجاموسى بـ 50 جنيها، ولازم لما تشترى تبص في عين الأضحية ولازم تكون صافية ومبيخرجش منها أى إفرازات، والأنف كمان لازم تكون جافة مبيخرجش منها حاجة، وتبص على الجلد وتتأكد إنه مفهوش أى شىء ملفت زى الجروح أو الخراجات أو البقع ".
وتابعوا، "لازم كمشترى كمان تبص على الأنف وتتأكد إنها مفيهاش حاجة وصدر الضحية يكون عريض وضهره مليان لحم علشان يرمى معاك لحم، وتجنب الأضحية اللى ليها كرش لأنها بتكون مليانة دهن كتير واللحم فيها قليل واللى من غير كرش ديه بتكون فيها لحم كتير".
واستكملوا، "لازم تكون حركة الأضحية نشطة وتشوف ده بعينك وتتأكد إنه مش كسلان أو هزيل، الكرش لو ممتلئ بطريقة غير طبيعية ابعد عن الأضحية دية نهائي وتجنب اللى عضمها باين وشوف الرقبة والصدر والمؤخرة لازم يكونوا مليانين لحم وتجس بايدك عليهم".
تم أضافة تعليقك سوف يظهر بعد المراجعة