الأم هى الأصل الذى يبدأ منه المجتمع والأسرة، وهى مربية الأجيال التى تعمل على تقديم الخير لمجتمعها وأسرتها، لذلك حرصت والدة أحد طلاب الثانوية العامة، على طمأنة ابنها الذى أنهى امتحاناته اليوم، فى رسالة مكتوبة انتشرت بقوة عبر منصات السوشيال ميديا، مؤكدة أنه مهما كانت النتيجة سيظل بطلا.
وقالت الأم، فى رسالتها لابنها: "كريم يا حبيبى مبروك على الإجازة اللى انتظرناها من 12 شهر، أنا أكتر واحدة عارفه انت تعبت أد ايه السنة دى وعارفه كم الضغوط اللى اتعرضت لها، بالنسبالى انت بطل مهما كان المجموع ومهما كانت النتيجة ومهما كانت الكلية اللى هتدخلها، اللى يتحمل كل ده ويفضل مكمل لحد الآخر يبقى بطل".
وأضافت الأم: "أنا عارفه انك نفسك تجيب مجموع وتدخل إعلام وتحقق حلمك، وأنا كمان يا حبيبى نفسى، بس الأهم انت عملت اللى عليك والباقى على ربنا، ألف مبروك يا حبيبى ومستنياك لما تيجى نحتفل مع بعض".
رسالة الأم لابنها طالب الثانوية العامة
وأنهى طلاب الثانوية العامة الشعبة الأدبية، اليوم الخميس، أداء امتحان مادة "اللغة الأجنبية الأولى" بإجمالى 255 ألفا و353 طالبا وطالبة، كما يؤدى طلاب مدارس (stem) امتحان مادة مقاييس المفاهيم (الفيزياء)، بإجمالى 1179 طالبا وطالبة، وسط فرحة وسعادة كبيرة أمام اللجان بين طلاب الأدبى بنهاية الامتحانات.
وتعقد امتحانات الثانوية العامة 2021، كأول ثانوية بنظام البابل شيت، ويؤدى قرابة 649 ألف طالب وطالبة فى الشعبتين العلمية والأدبية الامتحانات، كما يشارك قرابة 133 ألف عضو فى الامتحانات ما بين ملاحظ ومراقب ومقدر درجات، وبدأت الامتحانات السبت 10 يوليو وتستمر حتى 2 أغسطس المقبل وتعلن النتيجة بعد آخر امتحان بعشرة أيام على أقصى تقدير.
تم أضافة تعليقك سوف يظهر بعد المراجعة