أكرم القصاص - علا الشافعي

درة تكشف عن آخر أعمالها السينمائية وسبب اعتذارها عن مسلسل انتقام سرى.. فيديو

الثلاثاء، 27 يوليو 2021 03:00 م
درة تكشف عن آخر أعمالها السينمائية وسبب اعتذارها عن مسلسل انتقام سرى.. فيديو درة
كتبت نوران جمال

مشاركة

اضف تعليقاً واقرأ تعليقات القراء
كشفت الفنانة درة خلال استضافتها فى برنامج "لايت شو"، مع الإعلامية أية الغريانى على قناة الحياة، عن آخر مشاركتها السينمائية فى فيلم "الكاهن"، وعن الانتهاء من تصويره، حيث من المقرر عرضه خلال موسم الصيف الحالى.
 
وقالت: "انتهيت من التصوير خلاص مع حسين فهمى ومحمود حميدة وجمال سليمان وإياد نصار وفتحي عبد الوهاب، وطبعا تأليف محمد ناير، وإخراج عثمان أبو لبن، والمفروض ينزل في الصيف، مش عارفين بالظبط التاريخ يعنى، ودلوقتي بيخلصوا مرحلة المونتاج والحاجات دي كلها، لكن هينزل قريب في المعاد المناسب للمنتج والموزع".
 
 
وتابعت: "طبعا فيلم الكاهن فيلم كبير ومهم، والأسماء الموجود فيه يعني كفاية، والدور برضه مختلف بالنسية ليا، هو أكشن وفيه ساسبنس، قصة يمكن ماطرحتش كتير في السينما موضوع جديد، مش هحرقه لكن نفسي الناس تشوفه، ودوري هو مش معتمد خالص علي الشكل يعني، لأن أنا في الأدوار بحب أفصل خالص".
 
كما كشفت عن سبب اعتذارها عن مسلسل بعنوان "انتقام سرى"، كان من المفترض أن تقوم ببطولته وعرضه خلال رمضان الماضي، قائلة: "انتقام سري كنت هعمله رمضان اللي فات واعتذرت عنه، إحنا منعرفش هنأجله ولا مش هنعمله، ممكن نعمل فكرة تانية، اعتذرت لأن أنا كنت رمضان اللي فات حاسة أنه عايزة أدي وقت أكتر لحياتي الشخصية، هو كان 30 حلقة وبطولة مطلقة، فكان الموضوع هيبقي تقيل، وفي نفس الوقت أنا بخاف شوية، كنت خايفة من الخطوة في التوقيت ده".









مشاركة

اضف تعليقاً واقرأ تعليقات القراء
لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة