حل الفنان محمود حافظ ضيفاً على برنامج "لايت شو" الذى تقدم الإعلامية آية غريانى على قناة الحياة، وتحدث عن بداية الفنية، مؤكداً على طموحه الكبير منذ الصغر ورغبته في أن يكون ممثل، وقال:" تربيت في مجتمع ريفى، وكان المعروف عندما يسأل المدرس التلاميذ نفسكوا تبقوا ايه فكان الكل يقول ضابط أو مهندس أو دكتور، بس أنا كنت بقول نفسى أكون ممثل".
وأضاف حافظ، أن إجابته بأمنيته أن يكون ممثل كانت تلقى سخرية زملائه وكذلك المدرسين، موضحاً: "ممكن زمايلى يضحكوا أو المدرسين يضحكوا عليا، بس أنا مكانش يفرق معايا كل دا، ومكنتش بسمح ان حد يكسرنى، لأن دا حلم وأنا اللى بحلم بيه، وبعمل علشان أحققه ومش فارق معايا الكلام دا، فكان عليا أن اثبت وجودى واثبت بالفعل".
وكشف محمود حافظ، عن رفضه أي محاولات لإهانته أو التقليل منه، قائلا: "وأنا طالب في المعهد، كنت بروح أعمل مقابلات، فكان في ناس تقابلنى مقابلات سيئة، وأنا برفض دا، وبقول عادى متشغلنيش بس متهنيش ومتقوليش كلمة مش لطيقة أو تتجاهلنى، ودا كان بيقوينى مش بيكسرنى، ووفى نفس الوقت مكنتش بتعامل انى أغل وانتقم من اللى اتعامل معايا قبل كدا وأنا صغير، فانا تربيت في مجتمع ريفى الكرامة فيه رقم واحد".
وأكد حافظ، أن الزعيم عادل إمام هو مثله الأعلى في التمثيل وأنه عاشق له، وكشف عن الأفلام التي كان يحب مشاهدتها، مضيفاً: "من أنا صغير بحب أتفرج على كل أفلام عاطف الطيب بحب "ضد الحكومة" وكل أفلام أحمد زكى مثل "البيه البواب" و"الهروب" وبتعلم منهما، لانى بجب التقمص والمحاكاة"
تم أضافة تعليقك سوف يظهر بعد المراجعة