تخرج من كلية الحقوق بتقدير عام جيد، ولكنه لم يعمل في مجال المحاماة، تخصص في الجزارة قسم التشريح، حقق صيتا كبيرا فى منطقته كأفضل رغيف حواوشى أطلق عليه "حواوشى المجرم"، وكذلك عرف هذا الحواوشى أنه لا يقدر عليه إلا عتاولة الأكل فقط، وفى حلقة جديدة من برنامج فتحى شو تقديم محمد فتحى عبد الغفار نقدم لكم حلقة جديدة نوعية عن شاب يدعى محمد صلاح ترك المحاماة وعمل بالجزارة.
ويقول محمد صلاح: "أنا خريج كلية حقوق في الأصل بس مشتغلتش بمهنتى ولا يوم وورثت مهنة الجزارة من والدى وحبيتها واشتغلت فيها ووصلت لمرحلة احترافية أقدر أدبح وأشفى العجل فى ساعة زمن ويخرج كهيكل عظمى قدامك من غير ولا عظمة منفصلة عن التانية ولا بكسر من الأساس عضم وأنا بشفى".
واستكمل: "بقول لأى ست لازم الحواوشى يتعمل بحته لحمة خشنة وتكون بلدى وعليها حتة دهن علشان لما اللحمة الناعمة تتفرم بتبقى عاملة زى المرهم علشان كده بنقول لحمة خشنة، وغير كده التتبيلة مهمة جدا في الحواوشى والبهارات، والعيش لازم يكون عيش محمل عجين علشان مينشفش في التسوية".
تم أضافة تعليقك سوف يظهر بعد المراجعة