بتعمل من الفسيخ شربات.. آية تحول المهملات والأثاث القديم لقطع فنية بالديكوباج

عشقت الرسم منذ نعومة طفولتها، فكانت تهوى رسم الزهور والأشجار والمناظر الطبيعية المختلفة على الورق، حتى فكرت أن تستخدم موهبتها في تجديد كل شيء قديم، من خلال رسم أجمل اللوحات الفنية عليها، بالإضافة إلى الرسم على الطاولات الصغيرة، والمقاعد لتحولها لقطعة فنية رائعة داخل المنزل.

تحدثت آية عصام، الحاصلة على ليسانس الحقوق، عن هوايتها الفنية لـ"اليوم السابع" حيث قالت: "هوايتى وشغلى هو فن الديكوباج، وبدأته من 3 سنين تقريباً، وأنا بحب أي حاجة لها علاقه بتناسق الألوان وبحب أدخل الألوان في بعض عشان أطلع حاجة مميزة، وبدأت أخد كورس ديكوباج ولقيت فيه الحاجات اللي أنا بحبها كلها متجمعة فيه، ومن كام شهر صاحبتي كانت بتجدد مطبخها، فأقترحت عليها أعملها برطمانات للتوابل وفرحت بيهم جداً ونزلتهم على جروب، وناس كتير انبهرت بيها، وبدأت الناس تعرف شغلى من صوره من قبل ماتقرأ اسمى، و دى كانت حاجة بتشجعنى استمر".

برطمانات أخرى

برطمانات

قبل وبعد

استطاعت آية، بفنها أن تحول أي شيء قديم لتحفة فنية، جذابة، وهذا ما أشارت إليه، قائلة: "أنا برسم على أي حاجه قديمة مثلاً صينية مصدية أو كرسي خشب قديم، وأى حاجة نحاس أو زجاج".

تصميم أية

تصميم أية عصام

تواجه آية بعض الصعوبات في عملها، والذى تحدث عنه، قائلة: "الصعوبات اللي بتقابلني، إن كتير من الناس مش بتقدر شغل الهاند ميد و أن القطعة دي معمولة مخصوص بكل حاجه فيها للشخص، وأن هيكون عنده قطعه مميزه خاصة بيه لوحده، يعنى مش بيشتري حاجة موجود منها 7000 قطعة، في أي محل".

تصميمات أية

تحلم آية بتحقيق العديد من أحلامها على أرض الواقع، والذى تحدثت عنه قائلة: "أنا بحب شغلى جداً، ولقيت نفسي فيه والحمد لله، بتعرف أكتر وشغلي بيتحب أكتر من ناس كتير، وحلمي يكون عندي جاليري كبير معروف على مستوى الوطن العربي كله مش بس مصر".

رسم أية

صندوق أخر

صندوق

صورة أخرى

صينية

كرسى