على رأى المثل يخلق من الشبه أربعين.. محمد مخلوف شاب من منطقة شبرا مصر معروف بين أهل منطقته بشبيه تامر حسنى، فهو نسخة طبق الأصل من الفنان الذى تعشقه قاعدة كبيرة من جماهير الوطن العربى.
ويقول "مخلوف": "قابلت تامر حسنى ولما شافني خد صورة سيلفي معايا وحطها على حسابه وعلق عليها، قائلا: للوهله الأولى كنت رايح أسلم عليه كنت فاكره أنا لأ وتحس إنه شبهي أكتر مني.. مش فاهم ازاي المهم بعد ما اتكلمت معاه لقيت الموضوع كله إن من الحب ما شبه.. بس اللي خلاني اكتب البوست ده حاجه مهمه أوي اني سألته بتشتغل إيه.. قالي مهندس ففرحت عشان انك تكون بتحب فنان ومستهويك حتة انك شبهه أوعى تلغي نفسك وتعيش على الفكره دي هزر بيها كام يوم كده وخلاص.. انما أنت لازم تبقى أنت واللي هكون فرحان بيه بجد أنك.. لو بتحب فنان أوي كده فياريت تتأثر بالأعمق بالمضمون مش الشكل.. اتأثر بنجاحه واتعب وانجح زيه في مجالك.. نهاركم أبيض إن شاء الله".
وتابع مخلوف: "أنا مهندس ورسام وشاعر، وعندى أكونت كبير على الفيس بوك، وبيجيلى إشعارات كتيرة على الأكونت لأن الفيس بوك فى خاصية التعرف على الوجه، وفى ناس بتنشر صورى على إنها صور تامر حسنى، ومع ذلك إدارة الفيس بوك قفلت الأكونت بتاعى ومن ساعتها ومش عارف افتحه مع إنه كان عليه كل شغلى".
وأردف: "بيحصلى مواقف كتيرة جدا فى الشارع والشغل بسبب الشبه الكبير بينى وبين تامر، وفى علاقة صداقة بينى وبين الفنان الجميل أحمد حلمى بما إنى رسام فأنا عملتله كافر كتاب ليه، وكان معجب بيه جدا، وفى الكوميديا فلا مقارنة بين حلمى وتامر لأن حلمى ملعبه الكوميديا ".
تم أضافة تعليقك سوف يظهر بعد المراجعة