خالد صلاح

أسما شريف منير توجه نصيحة للسيدات بعد انفصالها عن زوجها.. فيديو

الخميس، 08 أبريل 2021 10:22 م
أسما شريف منير توجه نصيحة للسيدات بعد انفصالها عن زوجها.. فيديو أسما شريف منير

مشاركة

اضف تعليقاً واقرأ تعليقات القراء

وجهت المذيعة والبلوجر أسما شريف منير، رسالة إلى جميع السيدات اللاتى يمرن بنفس تجربتها بعد انفصالها عن زوجها الفنان محمود حجازى، عبر "فيديو" على حسابها على إنستجرام.

وقالت أسما: "أول مرة انفصلت واتكلمت فى موضوع طلاقى، ساعد ستات كتير أنهم يحسوا أنهم مش لوحدهم وأنهم ممكن يقفوا علي رجليهم تانى ويشتغلوا ويتخطوا الألم، ولما اتجوزت وكنت مطلقة ومعايا بنت حسوا أن فى أمل وأنهم مش معيوبين ولا ناقصهم حاجة عشان يستخصروا فى نفسهم السعادة و بداية حياة جديدة لأنه ده حلال ربنا".

وأضافت: "مهما المجتمع بيصعب الأمور على المطلقة أو الأرملة أو الست اللي اتأخرت في الجواز، ده حق ربنا أداهولنا، و حالياً بعد ما القصة اللى أدت ناس كتير أمل أن في حب وعوض انتهت، ناس كتير بعتتلي أن الخبر خلاها تحس بيأس وفي ناس أحبطت، وده وقفني لحظة كده وحسيت بمسؤلية، طيب نرجع بقي للشهرة اللي ربنا ادهاني أكيد ليها سبب، أكيد في سبب لوجودي في الدنيا فقولت لازم اأول الكلام ده وهو من أعماق قلبي".

وتابعت: "بعد اللي حصل أكيد زعلانة، وأى فراق بيكون وجع، وبيسيب فراغ وبيعمل برجلة، بس ساعات بيكون سيناريو رباني لسبب أكبر مننا أحنا مش فاهمين ليه دلوقتي بس بنفهم قدام".

وأعلنت أسما شريف منير، انفصالها عن زوجها الفنان محمود حجازى، الإثنين الماضى، عبر حسابها على "فيس بوك"، حيث كتبت: "ياريت بعد إذنكم تحترموا خصوصية الموقف من غير شائعات ولا اجتهادات ولا أسئلة محصلش نصيب بكل احترام ونقطة، ربنا يكرمنا إحنا الاثنين بس كده مفيش أى تفاصيل تانية إحنا كان في بنا عشرة وعيش وملح وأكيد مش هنتكلم في تفاصيل بيتنا".


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة