قالت منال حسنى من بطلات الحروق وذوى الهمم، :"كتير جدا ومكنش حد سامع صوتنا وكانت محطة لتوصيل صوتنا إزاى يتعاملوا معانا ولينا دور فى المجتمع وبلاش تتنمروا علينا وتضايقونا، وعندنا أحلام كثيرة عاوزين نحققها".
وأضافت خلال حوارها مع الإعلامى يوسف الحسينى عبر برنامجه التاسعة المذاع على القناة الأولى المصرية: "واحنا كتير ولا حد سمعنا وكنت بلبس ماسك جونتى عشان متعرضتش للتنمر وبعد اليوم لازم نظهر ونوصل صوت ناس كتير قوى وسعيدة أن الرئيس السيسى شافنا بقلبه، وبنعانى فى المجتمع ومش قادرين نعيش حياة طبيعية".
وتابعت، إحدى المشاركات باحتفالية "قادرون باختلاف": "محتاجين قوانين ضد العنف والإهمال، وكنت فرحانة أنى وقفت أمام الرئيس السيسى وحاسة بالفخر وأنه زى والدى وأنه بيشجعنى وفى الأول كنت خائفة وبعدين حسيت بالأمان، والحادثة كنت فقدت أمى وخالى وجدتى بسبب انفجار وعشنا فى معانا شديدة".
تم أضافة تعليقك سوف يظهر بعد المراجعة