عرضت عليه إحدى الصديقات أن توصلني للمنزل بسيارتها الخاصة بعد يوم عمل شاق.... كانت طريقة قيادة السيارة تنذر بحدوث حادثة مؤكدة بسبب تركيز صديقتى فى الطريق الضعيف جدا.. وكانت مشغولة طوال الوقت بأن طرحتها غير مربوطة... وقالت (مش عارفة أعدلها يا رحاب، بقلك هاتى كده من درج الصالون عندك الإيشارب الغامق أصله ثابت هيكون أفضل) ومع اندهاشى الشديد لما وجدته فى درج صالون السيارة الخاص بها من أدوات تجميل وفرش شعر وجميع ألوان المانكير وجدت لها الإيشارب المذكور، وفجاءة تخلت عن عجلة القيادة دون أى مبالاة للطريق واستبدلت الإيشارب بسرعة واحترافية، وقلت لها بلطف؛ (بقلك حبيبتي ممكن نقف على جنب تخلصى وبعدين سوقى، إحنا مش مستعجلين)...ضحكت بشدة وقالت (انتى بتخافى يابنتى لا تقلقى ده أنا بلبس واعمل ميكب يوميا وأنا سايقه نتسلى الطرق زحمة)، وكتمت غيظى من استهتارها، أنا ضيفة فى سيارتها أسكت أفضل...
وطلبت منى أبحث فى درج صالون السيارة عن قلم الروج الأحمر بدل اللون النود اصله لايق أكتر على الإيشارب الجديد، ومع صوت فرامل قوية جدا توقف قلبى للحظة، ركزت ووجدت وجهها احمر جدا من كل اتجاه، صرخت فى المارة (دم دم إسعاف بسرعة) ومع بكاء هستيري منى نزلت كتمت صوتى وقلتلى (هتودينا فى داهية اسكتى ده مش دم الروج خرج على وشى وأنا بحطه أنا كويسه منه لله الراجل كان لازم يعدى الشارع وأنا بحط روج أهو قلم الروج ال(mac) اتكسر عارفه ده بكام؟، سعره كام النهارده منه لله بجد؛؛ وركبت أنا الإسعاف بعد وصولها مباشرةً للعلاج من ضغط دمى المرتفع.
تم أضافة تعليقك سوف يظهر بعد المراجعة