افتتحت المملكة العربية السعودية أول متحف للسعادة خلال هذا الأسبوع، وذلك فى إطار تحركات المملكة لتنمية قطاع السياحة ضمن استراتيجية 2030 التى أطلقتها منذ أكثر من عام، للاستفادة من مقوماتها السياحية وتنمية القطاع ليكون بديلا عن البترول لزيادة الدخل القومى وتقوية الاقتصاد.
ويتميز المتحف بحسب صحيفة الرياض بأنه يقع على مساحة 1300 متر، لتوفير مساحات للاسترخاء والتسلية، وبرامج ممتعة لترفيه الزوار وإسعادهم.
متحف السعادة
ويحتوي المتحف من الداخل على عدة غرف وأركان تضفي كل منها تجربة فريدة من نوعها على الزائر، كما يتوفر داخل المتحف متجر للهدايا يحتوي على مجموعة من المنتجات اليومية المختلفة، التي تحمل رسائل ملهمة عن السعادة، بالإضافة إلى مقهى السعادة.
تخيلنا مع البنات وجود متحف للسعادة فى مصر على غرار متحف السعودية، وأتيح للزوار وضع المقتينات والأشياء المفضلة لهم، ماهى الأشياء التى سوف تحتفظ بها الفتيات داخل المتحف؟.. وكانت هذه الإجابات..
قالت داليا رأفت لـ" اليوم السابع" :" الحاجة الوحيدة اللى هحب احتفظ بيها جوا المتحف، هو "السينابون"، لأنى بحبه جداً وبيغير لى مودى وبيخلينى سعيدة ومبسوطة جداً، عشان كده هختار احتفظ بيه".
سينابون
وأضافت، أمانى رمضان:" هحب احتفظ ببلالين كتير أوى ألوانها مبهجة وجميلة، لأنها بعتبرها من الحاجات البسيطة اللى بتقدر تفرح أى حد سواء فى عيد ميلاد أو فى هدية".
بالونات
أيس كريم
واختارت سناء حافظ، الاحتفاظ بأشياء مختلفة داخل متحف السعادة، حيث قالت :"هعمل تمثال كبير لأمى وأحطه جوا المتحف، لأنها وقفت جنبى كتير فى حياتى وهى سر سعادتى الحقيقية، وكمان هحب احتفظ بآيس كريم وتورتة لأنها من الأكلات اللى بحبها وبتخلينى سعيدة ومبسوطة ".
شيكولاتة
وقالت دينا رأفت:" هحتفظ جوا المتحف، بفنجان قهوة بلبن لأنى بحبه جداً ومن الحاجات اللى بتعدل مزاجى، عشان كده بحب أبدأ بيه يومى على طول".
وأضافت عائشة خالد :" هحب أحط جوا المتحف نوع الشيكولاتة اللى بحبه "، وقالت أميرة على :"ممكن أحط شاورما لحم عربى، ومناقيش سورية وتومية، لأنها من الأكلات اللى بحبها جداً، ومن الحاجات اللى بتخلينى سعيدة".
تم أضافة تعليقك سوف يظهر بعد المراجعة