القارئة أيه زيدان تكتب: سبع علامات لو اتوفرت فى الراجل هتكونى إنتي "راجل البيت "

7 علامات تدل أنه شخصية ضعيفة أو سلبية اعرفيهم قبل ما تتجوزيه لو مش عايزة تكونى أنتى راجل البيت:

1- لا يأخذ قرارات والقرارات بيتخذها أهله أو أنتى لو شخصيتك قوية.

2- لا يتحمل مسئولية أخطائه وأفعاله ودائماً يلقى باللوم على الأشخاص المحيطة أو الظروف.

3- أنتى اللى بتدفعى الحساب فى الخروجات أو بتقسموا الفاتورة مع بعض وبيعتمد عليكى مادياً.

4- بيعتمد عليكى أنك هتتصرفى فى كل حاجة سواء تخصك أو تخص علاقاتكم و ممكن كمان فيما يخصه.

5- لما تحتاجيه فى وقت الشدة يا مش هتلاقيه دائماً يا هيكون موجود ولكن زى قلته مش عارف يتصرف أو بيكتفى بالمشاهدة.

6- هيوعدك وعود كتير بالكلام ولكن مفيش فعل على أرض الواقع (كل وعوده فى الهواء بتذهب مع الريح).

7- لو شخص اعتدى عليكى فى وجوده مش هيكون له موقف واضح أو رد فعل يُذكر وهيكتفى بالصمت أو تهدئتك أو يطلعك غلطانة.

فى الغالب هو ذكر غير متزن يشعر بالضعف والهشاشة والعجز ولا يشعر بالقدرة ولا يُفعل إمكانياته وقدراته.

وهينعكس بشكل كبير على علاقاتكم.