القارئ محمد علام يكتب: العسكرى

بلدنا دى جميلة بكل معانيها والعسكرى الغلبان ده أجمل ما فيها

أجيال وارا أجيال وكلها بتسلم بعضيها

بتعملوا معانا كدا لى ده إحنا أغلب ما فيها

كنا على العهد مترابطين كنا على الأرض والعرض صاينين

كنا على الحدود صامدين وضد العدو مترابطين

إحنا ليكو سند وضهر وانتو لينا قطمة ضهر

بيقولوا عليها ست وهى بـ100 راجل عملت اللى مقدرش يعملوا ألف راجل

قاعدين وسامعين وفاهمين بس عاملين فيها مش شايفين

هتقولى ظرف ده اى وظرف ده اى ده ياخى لو كل واحد فيهم طلع جنيه.

وبكل التزام واحترام انا يابيه ممعيش فلوس اللى فى جيبى مكفنيش .

نفسى اشوف اهلى وخايف لا ما يشوفونيش

وحيات ولادك متحرمنيش

ما انا مش ابن فلان ولا ابن علان انا جاى من بيت غلبان .

العسكرى ده اسم جميل متكرهوش يمشى وسطكو فى الشارع فامتخافوش

ويجى واحد بعد كل ده يهد فى جيشنا ويضعف معنوياتة ولا عمل اعتبار للشهداء اللى ماتو

اطمن قواتنا المسلحة هيفضلوا درع البلد دى وأسودها واللى يفكر يقرب من حدودها هيشوف جحيم يوم القيامة

من قادتنا اتعلمنا الاحترام والالتزام وانتا بتقولى بلاش تخلى الافيونة تنام

خلى ولادكو يتصوروا مع العسكرى الغلبان يمكن فى يوم يحس بالامان

حسسوهم ان دورهم عظيم ان وقفتهم على الحدود مش هين نحن خير اجناد الارض وانتو والله خليتو معنوياتنا فى الارض

بدلتى العسكرية شرف لكل ابن جبته ام مصرية

حسوا بدور العسكرى وقيمته ولا انتو قلوبكم بتتعبكوا

معاملتكم لينا دى كارثة وانتو والله ناس مش حاسة

بلدنا دى جميلة بشعبها بخوفنا عليها وعلى ارضها

دعمكم لينا دى حاجه بتقوينا

ابتسامتكم البسيطة قدامنا والله بتخفف عنا كل آلامنا

مش بقول عشان اتشهر زيهم انا عسكرى زى زيكم

رجال صدقوا ما عاهدوا الله عليه