أكد محمود عبد الوهاب شقيق لاعب الأهلي الراحل محمد عبد الوهاب، أنهم يشعرون بالفخر بشقيقه، موجها الشكر بكل من يتذكره ويدعو له.
وقال،"محمد ابن موت مكنش ابن حياة، حاليا مفيش غير كابتن سيد عبد الحفيظ اللي بيتواصل باستمرار وبيجي البيت وبيكلم أخويا الكبير ويطمن علينا، وفي الأول كان في ناس كتير أوي ولاعيبة كتير بتتصل وتطمن وتيجي، ولما بيجي الفيوم بيعدي على والدتي يزورها".
وأضاف، خلال مداخلة هاتفية مع الإعلامي عمرو خليل ببرنامج "من مصر" الذي يذاع على قناة cbc: "محمد قبل ما يتوفى بـ6 ساعات كان موصلنا لحد الموقف، وكان عنده إحساس إنه هيموت، وقال إنه مستحيل هيقدر يستحمل وفاة والدته وهو عايش، وهي قالتله كدة، قالها لا حاولي تتأقلمي يا أمي عشان أنا هموت قبليكي".
تم أضافة تعليقك سوف يظهر بعد المراجعة