القارئة آمال هريدى تكتب: يا أم الشهيد

يا أم الشهيد ليه تزعلى.....

يا أم الشهيد ليه الدموع...

ابنك بطل حتى اسألى..

كل الرصاص اللى دخل الضلوع....

يا أم الشهيد ابنك بطل...

ضحى بنفسه عشان بلاده...

قال والله يا بلدى مهما حصل...

لتعيشى وعشانها ضحى بحياته....

أنا الشهيد ابن البلد...

أنا اللى على العهد صان...

احكوا حكايتى لكل ولد...

وعن الخسيس اللى لبلده خان....

عن كل نقطة دم على أرضها..

عن صرخة أم

وبطل بيحمى عرضها....

قاعدين فى البيوت مطمنين...

وفى رجالة بتحمى أرضنا...

متعرفوش إن جنودنا لكفنهم شايلين...

ولا حد هياخد شبر واحد مننا....

بيموتوا عشان نعيش...

والله من غيركم يا جنودنا منسويش...

انتوا الدرع وانتوا أمانها...

أنتوا اللى ياما مات منكم كتير عشانها....

متخفيش يا بلادى...

جواكى جنود شجعان...

بأعلى صوت الجندى بينادى ...

تعيشى يا بلادى يا أم الاوطان...

أنا الشهيد وافتكرونى...

اوعوا فى يوم تتخلوا عنها...

ولو جيت على بالكم ادعولى...

احموا مصر وخلوا بالكم منها....