وليد نجا يكتب: نحن نعيش عصر حروب القيم والروابط المجتمعية

الجمعة، 17 يوليو 2020 04:43 م

اضف تعليقاً واقرأ تعليقات القراء

المحور الأول وهو العنوان أيوه العنوان اللي قريته صح حيلك بس أما ايه حروب الأجيال اللي ليل نهار بيتكلموا عليها وجي حضرتك تقول حروب القيم خليك معايا واحده واحده بص ياسيدي القيم دي هيه المرتكز الأساسي اللي عليه بتقوم الحضارات و بنقدر منها نفرق بين مصر صاحبة الحضاره والتاريخ ودوله تانيه لاتمتلك حضاره ولاتاريخ وتعمل ليل نهار بإستخدام القوي الناعمه علي تزيف التاريخ ونشر ثقافه العنف والأرهاب نموذج قنوات أهل الشر .

المحور الثاني وهو أزاي القيم دي بتتكون بص ياسيدي ده معادله بسيطه جدا مدخلاتها الأخلاق والمبادئ وتعاليم الأديان السماويه والفطره الأنسانيه تتفاعل مع سيكلوجيه الشعوب وحضارتها وثقافاتها علي مر السنين وهيه دي الأصول اللي أتربينا عليها وبتزيد كلما زاد التحضر وتقل مع الفوضي والأضمحلال.

المحور الثالث أهميه القيم بص ياسيدي بتحافظ علي السلم المجتمعي وحل الخلافات بين الناس تحت مسمي القضاء العرفي ومنها تتكون عقيده الشعوب حيللك حيلك عقيده أيه اللي بتتكلم عليها، كلمني عن مصر بص يامحترم مصر تمتلك عقيده وطنيه حيرت العلم كله عشان يفكوا رموزها وكباحث أعتبرها سر من أسرار الله سبحانه وتعالي مثلها مثل سر التحنيط وسر بناء الأهرامات وكلامي من حديث سيدنا محمد صلي الله عليه وسلم اللي قال علينا خير أجناد الأرض عشان القيم دي والسلوك الحضاري والتدين الوسطي السمح للشعب المصري فمصر هيه الدوله التي تحترم رمزيه الأزهر والكنيسه .

المحور الرابع حاول بعض الخونه والمأجورين التشكيك في حديث سيدنا محمد لكن ديما ربنا بينصر الحق شوف كلام المنظرين العسكرين بيقولوا أيه ومنهم المنظرالعسكري البروسي كلاوزفتز بيقول آيه أن الحرب صراع أرادات وهيه وسيله لفرض الأراده علي الخصم وأن الدول مهما أمتلكت جيوش واسلحه وأمكانيات من مال ورجال مش ممكن تحقق النصر علي جيوش تابعه لدول فيها الأنسان تربي علي ثقافه مجتمعيه ودينيه وأتشكلت نفسته ودي بتكون العقيده القتاليه اللي لو قضينا عليها أصبح المقاتل مهزوم قبل الحرب .

المحور الخامس هل هيه صدفه الحرب اللي شغاله علي الجيش المصري من أطلاق شائعات ومحاوله بث الفتنه بين أفراده من قبل يناير والكلام ده حصل مع جيوش المنطقه شوف دولهم بقت أيه ربنا يصلح لهم الحال ويتوحدوا وأحنا الحمد لله بنبني ونعمر ونمتلك قوه رشيده وقياده سياسية تمتلك الحكمه والأستشراف السياسي والفضل يرجع لربنا ولشعبنا وقيادتنا وتضحيات أبنائنا بالدم والعمل فنحن خير أجناد الأرض ده حتي الشيخ الشعراوي اللي يرحمه طلعوا عليه أشاعات والراجل مات من سنين عشان الراجل ده من الناس اللي تمثل رمز وسطي يرمز للصفاء الروحي والديني فالأديان السماويه تدعو للقيم لا للقتل للبناء لا للتدمير يعني العمليه مش صدفه طبعا لا هما خلصوا علي العراق وسوريا واليمن وليبيا عن طريق تدمير العقيده وبث الفتنه طيب أزاي القيم دي تدمرأقولك أنا بالفرقه وحب الذات وتقسيم الحق يبقي وجهات نظر والبعد عن التقاليد والدين السمح ومصر ان شاء الله محفوظه لأنها دوله وسطيه وشعبها موروثه الثقافي والعقائدي يحطم أي مخطط وطول مااحنا شعارنا تحيا مصر وكلنا واحد يبقي خلصنا ولو فرضت علينا حروب فالشهاده دفاعا عن الوطن أعلي مراتب الإيمان أمال أيه اللي مخلي مصر وتد في العالم ودوله من فجرالتاريخ .

المحور السادس حروب الأجيال والكلام ده أنا مش مقتنع بالتسميه دي ياعم أنتي مين عشان تقتنع ولا متقتنعش علي فكره أنا رأي ده من دراستي عن العراق وأستنتجت أن الغرض من التسميه دي طمس تاريخنا منذ فجر التاريخ وصولا للعصر الحديث فالعرب كونوا دوله من المحيط للخليج طب خد عندك مثلا حروب إبراهيم باشا اللي كلها تكتيكات وخطط أسمها أيه وعلي فكره ده أسمه خلط المفهوم وطمس الحقائق ورأي ده أكدته من مقال سياده لواء أح دكتور مصطفي كامل أستاذ العلاقات الدوليه والمفكر العسكري الكبير قال نفس الكلام في مقال نشرته بعنوان "حوار ومقال مع المفكر الإستراتيجي لواء دكتور مصطفي كامل"

المحور الأخير أستخدام القوي الناعمه لتفتيت المجتمع من الداخل خاصه الروابط المجتمعيه وتهدف إلي تمهيد الأرض وتغير ثقافات المجتمعات المستهدفه علي المدي الطويل والكلام ده مش من النهارده من بعد حرب 1973، ولو مش مصدقني شوف افلام ومسلسلات زمان و دلوقت زمان كانت السينما بتقدم في أفلامها نموذج فريد شوقي اللي بيمثل الخير ونموذج محمود المليجي اللي بيمثل الشر وبعدين الخير ينتصر بعد الشر مايكون عبره للناس لكن أفلام ومسلسلات دلوقت بتقدم نموذج الشر وبعدين بتخلي الشرعنده قيم بيسرق لكن شهم وجدع زي فيلم سلام ياصحبي للنجم عادل أمام وغيره ومن هنا طلعت مقوله الحق وجهات نظر وسلسله أفلام السبكي وهدفها الأساسي أستهداف الروابط المجتمعيه وأستهداف السيدات والأخوات شوف فيلم خيانه مشروعه هدفه أن الأخ يقتل أخوه بالأتفاق مع مراته وأن يبع شرف مراته مقابل كده وفيه كام أخ باع أخوه من أجل زوجته العاهره خرابه البيوت تقليد لبطل الفيلم وفيلم كلمني شكرا هدفه نشر الرزيله وأفشال المرآه ، يعني أنتي قصدك تقول أن الحرب مع الست المصريه مش صدفه وأن القنوات أهل الشر بدأت من زمان في الدراما نموذج سلسله أفلام ناديه الجندي وغيرها وهنا لاأتهم الفنانيين لكن صناع الأفلام يعرفوني هدفهم أيه من نشر الرزيله وليه غاب نموذج فريد شوقي اللي كان بيمثل الخير وأصبح المشاهد بيشوف أفلام نموذج الشروكان الفنان بيقدمه محمود المليجي عشان كده الناس كلها ألتفت حولين مسلسل كلبش وفيلم الممر لأنه قدم نموذج الخير والشر وخلي الحكم من ضمير المشاهد النابع من القيم والتقاليد ومن دراستي للنتائج التي حققها فيلم الممر أقدر أقولك الشعب المصري خير أجناد الأرض بخير ده كلام النبي صلي الله عليه وسلم روحت فين خلاص ياعم فهمت ياريت ما تنسي.