أنا مكمل يا مصر
عشانك بس متحمل
وهتحمل
ومش هسمح
لحد فيكي راح يجرح
وأنا مكمل
مكمل أبني أمجادك
وأشوف الضحكة ف ولادك
ومهما يغيروا حسادك
عشان إنتي اللي ف الأول
ف أنا مكمل
فلوس الدنيا ما تساوي
ف دمعة بشوفها في عينيكي
ومين للجرح هيداوي
غير ابنك راح يداويكي
ماهو منك وعاش فيكي
ولازم برضوا يستحمل
وأنا مكمل
ومين فرقنا ميت فرقة
وبالنسباله مش فارقة
يعيش اليوم يموت بكرة
بيقتل ضحكة بالدمعة
وطالع نفسه بالقلعة
ف عز الدنيا ماهي والعه
وهوا مايسويش عيل
فأنا مكمل
تعالوا مرة نحسبها
نخرج كل مصالحنا
نفكر مرة نسعدها
وهيا حضنها يسعنا
أنا وأنت نعيش فيها
نطورها
ننميها
نعمر كل أراضيها
بسرعة قبل ما نطاول
وأنا مكمل
رسالة قبل ما نفارق
بحق الله ما نتخانق
والا مستاهله نتعارك
عشان رأيك.. عشان رأي
تكون زعلان ومدايق
تقول كلمة
وأقول كلمة
تكون جارحة
تكون دابحة
ومين بس اللي كان بادئ
بلاش الدنيا تسرقنا
وبإيدينا تغرقنا
نضيع فيها تفرقنا
وبالنسبالها مش فارق
فلازم احنا نتعدل
عشان مع بعضنا نكمل
وأنا مكمل
تم أضافة تعليقك سوف يظهر بعد المراجعة