القارئة ناتاشا لطفى تكتب: مصر بتدّينا لقمتها

مصر بتدّينا لقمتها...

وبتطبطب علينا فى عزّ ضيقتها...

مصر الكريمة مِعطاءة... لو فى عزّ زنقتها

هي زيّ الأرمله اللى بتدّي الفلس الوحيد اللى حيلتها...

مصر الحنيّنه الأصيله... لا فى يوم سابتنا... ولا بِتسيبنا

مصر اللى دخلناها آمنين... كما جاء في قرآننا الكريم...قبل ما نحبّها حبِّتنا

لا فى يوم طلبت ترحيلنا... ولا فى يوم شكت خيبتنا

دي شايلانا على كفوفها... وشايله معانا همومنا ويَّ ظروفها

وبتطلب ويَّ راحتها دايماً راحتنا

وبتحفظ أمنِنا وبتزيل خوفنا...

يا مصر يا عظيمه... يا حلوه يا طيِّبه...

صدق فيكِ الشاعر بكلمات من القلوب قريِّبه

غنّاها تامر وبروحه قالِّك:

" الله الله على مصر الله

  ما هي مصر أمّ الدنيا"

وزاد في حبّه... ومن فرحه مال... وفى وِدن الدنيا صرخ وقال:

" ... أهل مصر إسند عليهم... واطّمِن مليون فى المِيَّه"

فمليون شكر يا مصر ليكِ... وميّة مليون لكل مصري فيكِ

وباسمي وباسم كل عربي على أراضيكِ... بنقولِّك وبأعلى صوت:

بنحبّك يا مصر... ويا رب دايماً لِفوق...