خالد صلاح

الرجالة عاوزة إيه من الستات؟ "جت ع الجرح" حلقة جديدة مع دينا عبدالعليم

الأحد، 17 مايو 2020 12:36 م
الرجالة عاوزة إيه من الستات؟ "جت ع الجرح" حلقة جديدة مع دينا عبدالعليم دينا عبد العليم

مشاركة

اضف تعليقاً واقرأ تعليقات القراء

الرجالة عاوزة إيه من الستات؟".. عنوان الحلقة الجديدة من برنامج "جت ع "الجرح الذى تقدمة الزميلة دينا عبد العليم وتتناول فيه القضايا الاجتماعية بطريقة ساخرة.

ووضعت دينا عبد العليم خلال الحلقة روشتة لاحتياجات الزوج من زوجته وقالت :"أى واحدة فينا كانت داخلة على جواز كانت أمها بتقعد معاها بتقولها إن الراجل عاوز الست اللى تحتويه والحنينة واللى تفهمه ..بس أمهاتنا مقالوناش على شوية حاجات وسابونا نكتشفها ونتعرف عليها بنفنسا أول الحاجات دى إن الست لازم يكون لها قدرة هائلة على التحكم في الأشياء عن بُعد :إنتي مسؤولة عن أى حاجة بتحصل في الكون يعنى مثلا الولد مش عاوز ياكل دى غلطتك إنتى علشان إنتى اكلتي حلويات كتير سدت نفسه ، البنت مش عاوزة تنام بدرى ..غلطتك إنتى لأنك منيمتهاش بدرى إمبارح، البنت نامت بدرى هتصحالك من الساعة 6 الصبح وتصحينا كلنا، باب العمارة وقع غلطتك إنتي لانك سبتي شباك المطبخ مفتوح ودخل سرسوب هوا عمل تيار خلا باب العمارة يقع".

 

وتابعت بقولها: "إنتى مسؤولة عن اى حاجة بتحصل فأنت لازم يكون عندك قدرة خارقة على التنبؤ بالأحداث اللى هتحصل وتعملى حسابها من الأول وتبقى عارفة تتصرفي إزاى فيها وهتجاوبي بإيه لما تتسألي عنها، تانى حاجة الرجالة عاوزينها هي قدرة هائلة على الانبهار أى حاجة بيعملها هي أحسن حاجة في الكون مثلا بيقلب في ريموت الكنترول يبقا أحسن واحد بيقلب الريموت في الدنيا بيشرب الشاي يبقا أحسن واحد بيشرب شاي من ساعة ما ربنا خلق البشرية ، جاب فاكهة وهو جاي البيت احلى فاكهة أكلتيها في حياتك، ..هما الستات بيحبو برضه الرجالة تقولهم شكرا وتنبهر بالحاجات اللى هما بيعملوها من باب انهم عملوا مجهود فبيتحبوا يتقدروا عليه".

واستطردت: "الرجالة حاجة مختلفة، ده جزء أساسي من حياتهم طول الوقت بيعملوا حاجات خارقة واحسن حاجة في الكون فاى حاجة علامات الانبهار على وشك..ثالث حاجة ودى اهم حاجة لو اتوفر في الست كده ملكت قلب وعقل وروح الراجل ومش هيعوز اى حاجة فى الكون غيرك وهى إن الست لازم يكون عندها مهارات عالية جدا على المناولة ..ناوليه اى حاجة في الكون تيجي في وشك شراب ريموت مفاتيح كوباية شاي اى حاجة تيجي في وشك انتى شغلناتك في الكون انك تقريبلوا الحاجات البعيدة عنه.

واختتمت: الراجل مبيطمنش لحد في الكون غيرك ميقدرش يمسك حاجة بايده الا لما تباركيها بايدك الكريمة، وطول ما  انتى ماشية ناوليه اى حاجة قبل ما يطلبها وكل اللى في شك انقليهوله وانتى ماشية".


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة