فيسبوك
واتساب
أنا مش ..حمل تقيل... على حد
أنا مش ..حلم جميل... وإتهد
رافضة دموعى .. تسيل ع الخد
تايهه ولا عارفة ..جواب ولا رد
فى زحمة مشاعر ..مابين جذب وشد .
هيمت بروحى ...بترجى الود
آسيرة انتظارى ...من الأمس للغد
دقايق وساعات ...بالوقت بعد
فسرقنى عمرى ...والحيل اتهد
إعرف نفسك ....
إعرف نفسك ....ولا تقولش لحد
واقفل كتابك .المفتوح ..وسد
واسمع لضميرك... ولو كلامه هبد
قاوم فى نفسك وهات ..وخد
وابقوا ..افتكروا كلامى بجد
دة أنا .اللى . ياما ..هاديت .. الورد
وزعته ع الكووون ..وماإستنيت رد
ولقلبى مسالمة ولا ليش فى العند
وأما أحب ..بحب بجد
ولا يعرف ... قلبى كراهية و حقد
ولا عاملة لمشاعرى ميزان أو حد
جرحت روحى ...بشوك الورد
كتبت بجروحى ..وكان دمى المد
وهونت عليهم زى ما..هان الود
...............
إعرف نفسك ...
حاول من الأول.... تبنى السد
وتصنع لمشاعرك.. إطارات للحد
وإوعة تكون ....تقيل على حد
ولحبل عواطفك ..إرخى ..ماتشد
ولا تلح بسؤالك... وماتلقاش رد
احفظ ماء وجهك من حجج الصد
قبل أوان .....آهات البعد
...........
إعرف نفسك ..
وإعرف نفسك ...واحفظ الود
للى شاريك وصان ليك ...العهد
دة اللى يستاهل.... تحبه بجد
ويمسح بإديه .... دموع الخد
ولو شاور بعنيه..نداه .. لا يرد
شيله فى الننى ..ده معاه السعد
هاينور قناديلك فى خريف الورد
ويقيدلك شموعك ..لو الليل إشتد
....
وإعرف نفسك ... إعرفها بجد
واعرف قيمتك ..وموقعك لفين إمتد
إترك مسافات ..وحدود على الأد
ومهما تقابل.... من.. توهه وصد
حياتك عيشها.....بكرامة ومجد
