زاد عدد الضحايا بين الناس الطيبين
والصورة في المرايا، راسمة وشوش شياطين
طب ليه وإيه الحكاية يا حضرات البني آدمين
بقينا متفرقين، مجروحين وموجوعين
وقلوبنا بردانين ومقسومين نصفين
ماتشوفوا رايحين لفين وقولولي آخرتها إيه
والفرقه لصالح مين وكل ده طب ليه
مليون حكاية وبينها قلوب تايهين
ونفوس بتأسى على نفوس تانيين
حد يقوللي ليه ببعض مش حاسين
وفي مراياتنا باصين ومش شايفين
إيه الحكاية يا حضرات البني آدمين
إمتى نصحى ونرفع إيدينا لفوق
وإمتى نرجع ويبان لليلنا شروق
دي الفُرقَه بتوجع وملأت قلوبنا حروق
والحُب غايب بين الضلوع مخنوق
غابوا حبايب وحالنا كل يوم بيسوء
وقلوبنا ضَلمة واشتاق نهارها لضوء
إيه الحكاية حد يقوللي آخرتها إيه
ومن غير حبايب يبقى بنعيش الدنيا ليه
تم أضافة تعليقك سوف يظهر بعد المراجعة