صاحب مباردة "أحنا فى ضهرك" يكشف كيف يساعد المصريين العالقين بالخارج

قال طارق صالح، صاحب مبادرة "أحنا فى ضهرك" لمساعدة المصريين العالقين فى الخارج، :"المباردة بدأت بـ3 نقاط بسيطة من حوالى أسبوع اتصل بيا صاحب البيت وطلب منى مدفعش إيجار شهر مارس وأبريل وبعدها لقينا واحدة بتسأل عن حد فى ميلانو مش عارفة تتصل بيا بعدها عملت بوست إن لو فى أى حد عاوز يتصل بحد فى إيطاليا ممكن نروحلوه ونتصل بيه، بعدها تم عمل هاشتاج أحنا فى ضهرك اللى أشتهر بعدها عملت هاشتاج ساعد جارك".

وأضاف خلال مداخلة مع الإعلامية ناردين فرج ببرنامج "التاسعة" على القناة الأولى: "أنا متطوع وبنساعد الجيران من كبار السن فى إحضار الأطعمة والعلاج وكمان بناخد من عندهم القمامة والمصريين جدعان مش محتاجين دعوة على طول بيتطوعوا والناس فتحت بيوتها فى كل مكان روسيا وتايلاند وغيرها".

وتابع: "هنا فى إيطاليا النزول لازم تصريح ناخده من الإنترنت نحدد فيه وجهة النزول والأسم والعنوان والغرض من النزول، لأن حاليا السوبر ماركت والصيدليات مفتوحة وفى حالة ضبط أى مخالف بالشارع ومصاب بكورونا تكون هناك إجراءات حكومية وقد يحكم على المصاب والذى لم يبلغ عن إصابته من 3 سنوات إلى 12 سنة سجن".