لسه عايش فى الخريف
والشتا موصلش حداه
حد يقول له يعيش ف الصيف
وياخدنا بالمرة معاه
لجل ننسى البرد والزمهرير
اللى خلى الجسم تلج وسط المياه
صعب إحساسك يا جو والمطر غرق مدينتى
واختفى معاك الضو وتاهت منى سفينتى
والشمس من ورا السحاب كلمتنى وودعتنى
جاية تانى بكرة ولا لسة بدرى يا أميرتى
جدلت ياحلوة ضفايرى ولميتها تحت برنيطتى
والجاكت أبو فرو لبساه فوق بلوفرى وكوفيتى
صد عنى البرد خالص والدفا من فوق ضفيرتى
يامطر خف وروق لى الطريق وابعد العدو وقرب لى الصديق
إنت خير من ربنا ونعمة وبركة والدفا لازم ييجى مع كل حركة واحنا راضيين باللى قسمه ربنا والحمد لله على كل حالنا ورزقنا
تم أضافة تعليقك سوف يظهر بعد المراجعة