ليه لما صدفة قابلتك
حسيت أنك
حاجة بتمشي فى دمي
وقمر بينطق اسمي
وان غيبت ثانية يولومنى
وليه لما كلمتك............
سلمت عليكي ونسيت اسمى
وما سيبتش ايدك من ايدى
دا لقاكي دا يوم عيدى
والفرحة مرة بس بتيجى
وأنا اوعدك هافضل عنك احكي
حتى لو سافرت لأبعد مجرة
هافتكر أحلى كلام عني
قلتيه فى لقانا وسمعته بقلبي
ورحت افرح اسهر اكتب
واتجننت وبقيت أغني
يالى بتقولى اتغيرت اسألنى
ليه أنا حالى مش حالى
أصل القمر شفته وشافنى
وراح فى الكون يهني
كل الأقمار انه قابلنى
وينور الليل ويسأل عنى
ويقول تعالى حبيبي
تعالى فى حضني
تم أضافة تعليقك سوف يظهر بعد المراجعة