وليد نجا يكتب: سلبية المشاعر والحضور الزائف

الأحد، 27 ديسمبر 2020 02:05 ص

اضف تعليقاً واقرأ تعليقات القراء

واحد صحبي أول ما قرأ العنوان أستغرب رديت علية وقولتلة أيوه العنوان صح رد قال معقولة أية اللي جاب سلبية المشاعر مع أصحاب الحضور الزائف ميجتمعوش مع بعض سلبية المشاعريعني شخصية جافة متفرقش معاه حد والحضور الزائف يعني الأنتهازية وحب الذات قول كلام غير دة ولا أقولك وضح كلامك ممكن تبسطهالي رديت قولتة حاضر.

بص ياسيدي سلبية المشاعر تحتاج ثبات أنفعالي وصفاء نفسي ودي صفة مش موجودة في كل الناس قليل جدا اللي يقدر يتحكتم في مشاعره ويفصل بين قلبه وعقله فرحه وحزنه وشعار تعاملاته حبني أكرهني ميهمنيش تعاملاتي مع الناس لوجهة الله تعالي وبيكون أنسان بيحترم الأصول والدين وبيعتبر أن أصل الأنسان مش وظيفتة اللي في بطاقتة ولارصيدة اللي في البنك ولا أسم عليتة أصله تعاملاتة صدقة أخلاقة لكن المنافقين كلامهم معسول وأفعالهم خنجر مسموم كذب وخيانة عهد وشر وأذية فاكرنها شطارة مع أن أسهل حاجة في الدنيا قلة الأدب والغلط وأصعب حاجة كظم الغيظ والعفو عن الناس مش رد الغلط بالغلط والصفاء النفسي يجعلك تحافظ علي كرامتك ووتقدر تغفر وتنسي لكن المنافق والخسيس نظرتهم لثباتك الأنفعالي ضعف وخيانتهم للأمانة نصاحة مش قلية رباية.

وعشان الأنسان ينجو من المنافقين لازم تكون قاعدة معاملاتة أساسها الحب والكرة مش كلام الحب والكرة تعاملات ودليل كلامي من قصة سيدنا يوسف عليه السلام ولاد نبي وأخوات نبي وأفعالهم غدر وخيانة معني كدة مهما كان حد قريب منك لو أختلف معاك تصرفاته حتبينلك مين هوه مش كلامه.

طب ماشي والسلبية معناها أية بص ياسيدي لما تحصل مشكلة وتكون زعلان أوتحقق نجاح وتكون فرحان لازم رد فعلك يكون معتدل لأن النجاح مش دايم والفشل مش دايم فبلاش تزعل قوي أو تفرح قوي خلي مشاعرك متزنة عشان متندمش طول حياتك لأن النصاب والخاين بيستخدم الوازع العاطفي في تعاملاتك ويقدر يخدعك ويتشكل في صورة زائفة تكملك ويقدر بكدة ينصب عليك وغالبا بيكون الشخص دة خارج توقعاتك ومش بتأخد بالك منه إلا لما مصالحه تكون عكس مصالحك وتشوف تصرفات منه غير متوافقة مع منطق معاملاتك معاه وحبك ليه من وجهة نظرك العاطفية فلما يحلصك أزمة أومشكلة تفتكر أنه حيقف جنبك ومعاك في أزمتك قبل فرحك لكن صدمتك حتكون في معرفة شخص تاني أناني أنتهازي معندوش مبادئ وهوه السبب الحقيقي لمشاكلك حقد وغير ونفس حسادة.

فمن هنا تكون السلبية قمة التعقل فمهما كانت درجة صلتك بأي أنسان سلبيتك في مشاعرك وكتم سرك مع نفسك وربك أنتظارك وعدم استعجالك في الحكم علي الناس حيخليك تشوف مفاجأت وعبر حتعرفك معادن اللي حوليك وقتك شدتك ووقت فرحك منهم اللي حيخيب ظنك فيه ومنهم اللي يكون أجمل مما تتوقع والجميل في الأزمات أنك عشان تتغلب عليها لازم تكون قريب من ربنا وواثق في نفسك وتمتلك العطاء والصفاء النفسي وكلنا بنسمع مثل بيقول الصديق عند الضيق حتشوفها عملي فية ناس معتبرهم حبايبك حتشوف منهم اللي حيتخلي عنك واللي حيساعد عدوك ومنهم اللي حيطبطب عليك ومنهم اللي حيشمت فيك ويتمني زوال نعمتك مهما أجزيت له العطاء وحتشوف بعنيك أصحاب الحضور الزائف حتلاقيهم وجودهم زي قلتة عاملين أصحابك وحبايبك وهم زي كروت الشحن طول ما فية مصالح منك وحيستفيدو منها حتلاقيهم وبمجرد ماتعجز عن تحقيق مصالحهم ويظهر شخص تاني حيستفيدوا منه أكتر منك حتلاقي وجودهم زي قلتة فمحدش يتغر أن ناس كتير حولية وهنا تحضرني مقولة الإمام الشافعي لما وصف الأزمات وقال" جزى الله الشدائد كل خير وإن كانت تغصصني بريقي, وما شكري لها إلا لأني عرفت بها عدوي من صديقي"