قال الدكتور زاهي حواس، عالم المصريات، وزير الآثار الأسبق: "عملت أشعة مقطعية بفريق مصري كامل على كامل المومياوات اللى هتتنقل من المتحف المصري لمتحف الحضارة، وأثبتت أن الملكة حتشبسوت كانت تخينة وبدينة".
وأضاف "حواس"، خلال حواره لـ"تليفزيون اليوم السابع"، الذى أعده محمد محسوب، وقدمته نسرين فؤاد: "أنا مبقولش كلام من دماغي والأشعة اللي عملها الدكتور أشرف سليم ومعاه الدكتور هاني عبدالرحمن أثبتت إنها كانت تخينة".
وتابع: "رمسيس التالت كان بتاع ستات وعندنا منظر فى المقصورة الأمامية في معبد مدينة هابو اللى بناها رمسيس التالت وهو بيداعب الفتيات وكان بيجيب فتيات مصريات وأجنبيات وآسيويات قاعد بيلاعبهم وبيشرب".
في سياق متصل قال حواس: "مش عارف الناس بتزعل من اللي بقوله، بس رمسيس التالت في بداية حياته كان راجل عظيم لكن بعد تقدمه للسن الوضع اتغير لدرجة إن مراته وابن زوجته التانية علموا عليه مؤامرة علشان يقتلوه".
تم أضافة تعليقك سوف يظهر بعد المراجعة