رد الفنان حسن يوسف على الشائعة التي رددها البعض حول مرضه قائلاً: "أنا الحمد لله زي الفل". وأضاف في تصريحات خاصة لـ"تليفزيون اليوم السابع": "لما بسمع أي شائعات زي دي بضحك لأن مفيش حد من الوسط الفني غير لما موتوه أو قالوا إنه مريض، بتوع الشائعات موتوا كل بتوع الوسط الفني".
وتابع حسن يوسف: "أنا حاسس إنه الكلام عن مرض الفنانين شيء ممنهج، ومش أمر عشوائي، مفيش حد فاضي قاعد على التليفونات كل يوم يموت واحد".
وتابع: "من 30 سنة اتصل بيا شخص وقالي هنخطف بنتك اللى في الحضانة ولا تدفع 5 آلاف جنيه، وقالولي قابلنا في إسكندرية عند كازينو معين"، متابعا: "من وقتها خوفت على بنتي وبقيت أوديها المدرسة وأجيبها بنفسي أنا وشمس البارودي، وطلبت بنتنا تركب الأتوبيس مع أصحابها بقينا نمشي ورا الأتوبيس أنا ومراتي بالعربية خوفاً عليها"، مضيفا: "روحت لوزير الداخلية وقتها وقالي إن فيه ناس كتير جالها نفس التهديد وبعدها اطمنت".
تم أضافة تعليقك سوف يظهر بعد المراجعة