عمرو أديب معلقا على طوابير الخبز بسوريا: كانت بلد قد الدنيا بتصنع من الإبرة للصاروخ

علق الإعلامي عمرو أديب، على صور طوابير الخبر وأنابيب الغاز في سوريا، وقال: "كيف تصل الدول لذلك؟ حد يجاوبني، سوريا اللي أنتوا شايفين صورها دي، كانت كل حاجة صناعة سورية، كنت أروح هناك أسأل ده مصنوع فين وده فين يتقالي صنع في سوريا، إزاي وصل الوضع بسوريا لهذا الحال".

وأضاف عمرو أديب، خلال برنامج "الحكاية" الذي يذاع على قناة mbc مصر: "قلبي يقطر دما على سوريا، في ناس هتيجي تقولي أنت بتقول كده عشان تخوف الناس من أي حاجة، لا أنا مش خايف على مصر من الوضع ده أساساً، لكن بقولكم أن سوريا دي كان فيها 60 نوع خبز، دلوقتي الناس مش لاقية العيش بتاعها، وهل يمكن ترجع سوريا، ده ولا سنين عشان ترجع تاني".

وقال: "لما كنت هناك أخر مرة عملت حوار مع الممثل الكبير جمال سليمان، وكنا قاعدين على قهوة وحوالينا الشباب السوري المثقف الجميل اللي بيتكلم وهو فاهم، سوريا كانت بلد قد الدنيا بتصنع من الإبرة للصاروخ".