شاركت مجموعة من الفتيات اللواتي تتميزن بإتقان الفنون اليدوية في معرض تراثنا 2020، و"اليوم السابع" التقى مع "سارة عبد الحميد " ابنة الإسكندرية التي عشقت "الهاند ميد" وأبدعت فيه حتى أنها اختارته مجالاً لدراستها.
تقول سارة: "تخرجت فى كلية التربية النوعية قسم تصميم وأكملت دراستي العليا فيه حتى حصلت على الماجستير والدكتوراة، بعد تخرجى حرصت على عمل مشروعي الخاص فى صناعة الحلي، أقوم بعمل المشغولات اليدوية كاملة بنفسي بكل خطواتها، الشغل بتاعى بيعتمد علي الأحجار والنحاس، بصممه وأطليه بالكامل بماء الذهب أو بالفضة، وبجمع الاحجار واقوم بعمل الإطارات لها سواء فضة أو ذهب".
تضيف "استخدم الكثير من الأحجار، منها اللولي والهيماتايد والجاد والفيروز والعقيق، انا بقالي 3 سنين شغالة شغل فعلي والحمد لله اصبحت معروفة وليا زبائن بيطلبوا شغلي على طول، وعندى أنواع مختلفة من الحلي منها الكفوف والشغل الإسلامى والبيت النوبي وشغل الزينكوجراف الحفر، واشكال مختلفة من الحلى بالفضة والنحاس المطلي بماء الذهب".
وتتابع سارة: "اول مرة أشارك في معرض تراثنا ولكن من البداية حسيت إنه مختلف جدًا وفعلا فتح لى فرصة عرض منتجاتي بطريقة لطيفة ومتاحة لكل الفئات مش المجتمع السكندرى وبس. تراثنا فعلا مختلف في طبيعة العرض في الناس نفسها في الدعاية، معرض مختلف عن معارض كتير شاركت فيها قبل كدة".
وعن بدايتها تقول سارة: "بدأت شغلي في البيت وتدريجيا عملت ورشة صغيرة للشغل ودلوقتي كبرت ومشروعى نجح، بقول لكل بنت محدش يقف عند حاجة عاوز يعملها اشتغلي وحاولي واتعلمى، انا لمجرد أول مرة في معرض تراثنا دى اكيد هكتسب منها خبرة خلي عندك الشجاعة إنك تحاولي المحاولة اهم".
تم أضافة تعليقك سوف يظهر بعد المراجعة