عايز الدنيا كلها تتغير وأنت مبتتغيرش.
قاعد بتفكر بس وتقول نصيب ومبتخترش.
ولا بتسعى ولا بتتعب وفاكر إنك ملك زمانك.
فاكر إن كل الدنيا دى معمولة علشانك.
وكل الناس فيها هتتعب لجنابك.
قوم بص حواليك وبص قدامك.
هتلاقيهم كلهم سبقوك وأنت عايش في أحلامك .
وأنت نايم ومريح وتمام.
عايز الكل يضربلك تعظيم سلام.
بص للحقيقة ودور عليها.
الحق قبل ما الوقت يعدي.
ده العمر بيجري وعلشانك مش هيهدي.
قطر بيجرى وكله عكس اتجاهك.
قاعد فى المحطة حتى مركبتش معاهم.
مستني التذكرة تجيلك وقاعد تستناهم.
إصحى وفوق يا بيه دي الدنيا زي التيه.
انجح واكسب لا تخسر وتتحسر.
لو مش فارقة معاك، خليك قاعد هناك.
فى المحطة القديمة واستناهم.
متجيش فى الآخر تزعل ما أنت اللي بتبص وراك.
هتتعب فى الأول وهتقول كل دا مني فات.
وتقول أيه اللي جرى هنا وهناك.
هتتعجب من حالك وكل اللي كنت فاكرهم وياك.
هتبدأ تتعود على التغير، واحدة واحدة وهتيجي معاك.
لو فرصتك جتلك إياك تسيبها مستنياك.
تم أضافة تعليقك سوف يظهر بعد المراجعة