فيسبوك
واتساب
بذور أموات
هتطرح إيه على الخدين غير الدمعة؟!
ونور شمعة
بينطفي عند أول هُف
وروح بتخف
لكن موازينها ف الدنيا تزيد الضعف
وضهر الحلم مش قادر على الشيلة
ما غابت لمة العيلة
وحضن الفرحة يوم العيد
وادي الدنيا بقت كرمة
وادينا من البشر عناقيد
وايد ورا ايد .. وكف بكف
بيخطفنا غراب الليل
ونازل ف الخلايق قطف
وادي العشمان ف وش نهار
يقف زنهار
ونستنى طابور الحب يتقدم
ولما العمر يتهدّم
بنلقى نفسنا فجأة
وقفنا بس برة الصف
