فيسبوك
واتساب
ومتزعليش ومتحزنيش
إفردى شدى قلوعك
اوقدى يمه شموعك
وانشرى الفرح ف ربوعك
مستحيل أنا أشوف دموعك
بعْدِيهَا يمه إزاى هعيش
متزعليش ومتحزنيش
كلنا خُدام جنابِك
أحبه دايبين ف ترابك
حلفنا هنحقق مرادك
من شيوخك ولشبابك
شعب شرطة قضاء وجيش
متزعليش ومتحزنيش
ومتزعليش لو عدى يوم
أسود حزين كله غيوم
أهو يوم يعدى
وموش بيدى
لكن ده وعد
واأنا عند وعدى
حوهبك بدل الهموم
فرحة كبيرة متنتهيش
متزعليش ومتحزنيش
السلام هو يراعيك
بالأمان يمه راقيكِ
ده اللى زعل يوم عِنيكِ
واللى جه مرة عَليكِ
واللى جرح في إيديكِ
دول علىَّ ومتقلقيش
وهخلى كل الدنيا تسمع
اللى فاكر مصر مرتع
اللى خَلْيى عِنيكِ تدمع
هجيبة يمه وهيجي يركع
وأنت شامخة متطاطيش
ومتزعليش ومتحزنيش
