تداول عدد من رواد موقع التواصل الاجتماعى فيس بوك، فيديو يرصد محادثة دارت بين ياسر العمدة القيادى الإخوانى الهارب فى تركيا، والمقاول الهارب محمد على، يتحدث فيه الطرفان عن الأوضاع فى مصر، وعن الهارب أيمن نور، وكذلك دور الإخوان فى تركيا، وتحريضهم على النظام فى مصر.
ونشر المقاول الهارب على صفحته بموقع "فيس بوك" فيديو المحادثة بعنوان "حديثى مع أخويا وصاحبى ياسر العمدة.. ياسر بيقولى قنوات الإخوان فى تركيا بتتمول بمليون دولار شهريًا بإجمالى نصف مليار دولار".
وذكر ياسر العمدة خلال المحادثة، قائلاً: قنوات الإخوان الثلاث "الشرق، مكملين، الوطن" بياخدوا كل شهر مليون دولار.. الإخوان اتمولوا خلال الخمس سنوات بنصف مليار جنيه فى أسطنبول .
واتفق كل من محمد على وياسر العمدة، أن التمويل قادم من قطر، كما ذكر ياسر أنه حصل على الجنسية التركية منذ شهر.
وقال العمدة، فى محادثته مع المقاول محمد على: "فى تركيا إخوان وسلفيين وليبراليين ومستقلين.. هنا الإخوان انقسموا لـ4 مجموعات بقيادات مختلفة كل واحد فيهم بيحاول يضرب التانى عشان يفوز بأكبر دعم وتمويل".
وسأل المقاول محمد على، ياسر العمدة عن الداعم والممول للإخوان فى تركيا، قائلاً: عندك أية يثبت أن الجماعة اللى فى تركيا حرامية وبتوع فلوس وخلاص.
فرد عليه ياسر: "اللى بيجيب الشنطة كل شهر اسمه عبد الرحمن أبو دية فلسطينى الأصل معاه الجنسية الإنجليزية واسم شهرته "أبو عامر" أدى معلومة على الماشى.. فيه غيرها كتير بس مش وقته يا صاحبى أنا مش هسيب اللى ساعدوا السيسى يعمل فينا كده عشان سبوبتهم تستمر على حساب بلد كاملة، مش هنسى أنى لما اعتقلت زوجتى واعتصمت أمام القنصلية موقفش معايا عشرة من كل الكلاب دول"، متابعًا: فى الأخر يطلع واحد فلوس التمويل لسه فى جيبه وفى حسابه بالبنك ويقول إنى بتمول.. أنا شايل ومحمل وفاضلى تكة وانفجر فى وشهم وساكت بس عشان مديش حد فرصة يفرح فينا .
وأكمل ياسر العمدة حديثه، قائلاً: "بالرغم من أنى دعيتهم يطلعوا عشان بناتهم المعتقلة مش عشان مراتى.. والحمد لله أنا طلعت راجل وخلصت مراتى.. وهما هيفضلوا زى الحريم".
وتابع العمدة: أنا قعدت فى 2016 على طرابيزة واحدة مع الإخوان والسلفيين واللبراليين و6 أبريل وحزب الوسط والاشتراكيين الثوريين وتيار الأمة واتفقنا وساعة الجد محدش نزل فمتديهمش "الإخوان" أكبر من حجمهم .
ونصح العمدة المقاول بالابتعاد عن إخوان تركيا قائلاً: بتوع سبوبة وخدوا نص مليار دولار تمويلات ومقدروش يحركوا شعرة، وكمان أيمن نور بيعمل حركات ومش تمام هو ورجالته قنوات الإخوان فى تركيا بتتمول بمليون دولار شهريًا".
وكانت وزارة الداخلية أكدت فى بيان سابق، إن القيادى الإخوانى الهارب بتركيا ياسر العمدة متهم بتأسيس كيان يسمى "اللهم ثورة" بهدف استغلال ذكرى ثورة 25 يناير للقيام بأعمال تخريبية ونشر الفوضى فى البلاد، ويبلغ من العمر 47 عامًا من إحدى العائلات الكبرى فى الفيوم، والده كان عضوًا بمجلس الشعب لمدة تقارب الـ18 عامًا. وعمِل "العمدة" موظفًا فى النقابة العامة للعاملين بالزراعة والرى بالفيوم، قبل أن يهرب إلى تركيا عقب فض اعتصام رابعة.
وظهر العمدة فى قناتى "رابعة والشرق" الإخوانيتين وهاجم الدولة المصرية مطالبًا بإسقاطها، وفى عام 2016 أسس حركة "غلابة" الداعية لتظاهرات (11 - 11) عام 2016 والتى باءت بالفشل، وأشارت تقارير إلى أن عائلة "العمدة" بالفيوم التى ينتمى لها ياسر، تبرأت منه بعد دعوته إلى التظاهر فى 11 نوفمبر، واختراعه "المبروكة" وهى عبارة عن قنبلة مونة بها مسامير وزجاج، مطالبًا المتظاهرين باستخدامها فى الهجوم على قوات الشرطة والجيش.
تم أضافة تعليقك سوف يظهر بعد المراجعة