قبل ما يتجوزها وعدها
حياتنا هتبقى مودة ورحمة
فرحت هى وقالت هو
دعوة أمى وصاحب عمرى
عدى شوية وقت وقالت
صعب عليه فراق البيت
ابويا واخويا سندى وضهرى
همشي ازاى واتهنى بعيد
أوفى صديقة أمى حبيبتى
قلب حنين وسري بتكتم
أغلى نصيحة بتسمع ودنى
نور لطريقى وتصلح بيتي
وإيدى بإيدها جوه البيت
قالها وعد عليه اوفيه
ابقى ابوكى سندك ضهرك
وكمان اخوكى توأم روحك
وحنان امك مش هيفارقك
هتلاقينى كل البيت
وطت راسها خجولة وقالت
ربى ييسر كل الخير
