صورة أرشيفية
مشاركة
لو بالكلام كتير ناس ياما بتسلم
تشوف قلوبها تقول .... يا ساتر و يا ستار
لو بالكلام كانت دفاترنا
اتملت أغانى وزجل
وأجمل الأشعار
لو بالكلام كان الحسود
واللى فى عينه يندب مليون عود
سمعنا وطربنا ليل ونهار
واللى يقولك يا غالي
استنى شوف فعله
يمكن من بعد أفعاله
تبات محتار
حاسب من اللى يضحكلك
يضحك عليك
يفتحلك للجنة مليون باب
تدخل تلاقى نار
شوف يا ابن آدم
مين كان كتاب مفتوح
ومين كان مغارة فى جبل
وسر من الأسرار
واحسب حساباتك
ولما تجمع عزوتك
اطرح قليل الأصل
والخاين و الغدار
مشاركة
