تصدق بأيه !؟
و الله وحشنى التليفون ابو قرص إلى كان جدى بيقفلو بقفل عشان محدش يتصل من عليه عشان فاتورته غاليه
وحشتنى لمتنا كلنا بليل نتفرج على المسلسل الاجنبى على القناه التانيه
يا اخى و حشنى دفا البيت واللمه ايام لا كان فى سوشيال ميديا و لا واتس آب و لا فيس بوك و لا تويتر و لا يوتيوب .. الوقت إلى كانت فيه العلاقات الاسرية قويه جدا ومحدش يقدر يقطعها او يستغنى عنها بسهوله
الوقت إلى كان فى بيت و اسره و اولاد و حياه اجتماعية جميله و ممتعه و قويه فى نفس الوقت .
مش ذى اليومين دول تبقى قاعد جمب اخوك بس كل واحد ماسك تليفونو و عايش فى عالم تانى خالص
عالم مش حقيقى مفهوش مشاعر و لافيه لمه حقيقه و لافى اصحاب حقيقين عالم لو الشبكه فيه وقعت فأنت وقعت فى ورطه و اصبحت وحيد ملكش حد فعليا .
عالم بيحبوك و يكرهوك من مجرد صوره بروفايل .. ناس كل علاقتها بيك كومنت ولايك و فيديوهات بيشوفوك وتشوفهم بيها .. لكن علاقه صحوبيه ذى بتاعت زمان واللمه إلى عند الكشك بعد الدرس دى
ونقعد نحكى و نضحك و نشم هوا
وتبقى فى علاقه ملموسه قايمه على نعرف اهالى بعض و نبقى اصحاب انتيم و اصحاب وقت الشده
واهوا دا فعلا ما بقاش موجود دلوقتى !!
ايوى ما بقاش موجود دلوقتى خالص و بقى عمله نادرة
ودا بقى لأن الناس بقت بتستصعب تنزل من البيت فيعملو جروب واتس اب و يجمعو بعض فيه و خلصت الليله .. الناس مبقتش قادرة تسيب الأدمان إلى بقو فيه للسوشيال ميديا و لحواديته المبهمه و مجهوله المصدر
بقو حاسين أن لو خرجت برا العالم الافتراضى دا داهموت
ودا فى حين انك سهل جدا تخرج منو و تعيش و تلمس حياتك الطبيعيه حياتك إلى فيها بتلمس جدك و ستك و ابوك و امك و ولاد عمك و ولا خالتك
بتلمس الضحك إلى من القلب و لعب الكوتشينه و فنجان القهوه التركى ابو وش.
بزمتكو مش الحياه دى أحسن ١٠٠ مره من العالم المزيف إلى مفيهوش حد حقيقى دا
العالم إلى احنا عايشين فيه دلوقتى دا ومش فاهمين اولو من اخرو
.. فياريت و الله نرجع ذى الاول لبعض تانى و نخرج من الداومه دى و نبقى اشخاص ملموسين ذى الاول .. نرجع نلم بعض ونزور بعض و نقعد نحكى و نتكلم طبيعى من غير رقابينا ما تنكسر على الموبايل من كتر ما احنا بنقرى فيه و ما بنسبهوش..
ملخص الحكايه كفايه تكنولوجيا و تقليد اعمى كفايه
كفايه و ياريت نرجع لبعض من اول و جديد.
تم أضافة تعليقك سوف يظهر بعد المراجعة