فيسبوك
واتساب
بحبك
والحب صعب نكمله
مغري بجماله ف اوله
فنسيبه يحرقنا
نكدّب كل اوجاعنا
والعمر يسرقنا
من قصة مش كاملة
الضحكة بهتانا
والجرح جوانا
بيهد من روحنا
الحب مش لينا
بنعيش لوحدينا
فنداوي ف جروحنا
الاوضة باقيالنا
بتوّنس الوحدة
وانا قلبي بكرة يعيش
مش باقي علي واحدة
....
وبداري احزاني
بضحك قصاد الناس
وبرد هو نصيب
ليه كل رمية حظ
م الفرقة ليا تصيب
وكأني ضد الفرح
بصرخ ومش سامعة
اخدت جمال الروح
مفضلش غير دمعة
هي اللي باقيالي
وبقول دي دمعة فرح
بداري ع الخيية
م الحب لو عيبة
افتو بتحريمه
ده القلب مش لعبة
فـــ ايادي بتهينه
سبتيني ليه موهوم
فقولت عليكي ضحكة ف كون
لقيتك.... فالتقيت البيت
رسمتك حلم في حياتي
خسرت حياتي فاتهديت
حكيتلك عن نقط ضعفي
سمعتيني وطبطبتي كأنك ام
وشلتيني ف أحضانك
جريت كالطفل ليكي بشوق
لقتني مصاب بسرطانك
وكلي عيوب
الحب ذنوب
الحب ذنوب مش تضحية
وانا ذنبي عملته ف حبيتك
هجرت الدنيا ولقيتك
فسبتيني لعمري يمر
يااسوأ حلم حققته
سقيتك فرحة ف حياتك
وسقتيني بايدك مُر
ياحب العمر
انا كنت بعافر علشانك
وبسيب احلامي بتتهمش
وفقدت كتير من روح ماتت
وبراضي ف ناس مبتهتمش
ملقتش غير قلبك
هو العلاج ليا
فحلفت اعيش جنبك
وانا روحي مش فيا
وعلاجها كان كسرة
عذاب القلب لو حسرة
انا راح اشيله باديا
واسد مكانه بحجارة
انا اللي راهنت علي حبك
رهان الحب بخسارة
كان نفسي حلمي يتم
فرحة ودبلة ومهر
سبتيني وسط الموج
غرقان ف دمعة قهر
شيفاني بستنجد
فشاورتي من برة
لو هشفا من ضمة
فرفضها من حضنك
انا مستعد اموت
ولا اني اعيش جنبك
