عمرى ما أقدر أقول كلام ف يوم يمسـك
أنا كل حاجة عملتها علشان أكون لك
أنا قلبـى بكبر م الآلام لو اسم لمسك
ومستعد وقتها لو أداوى ضلـك
..
مهما كان وجع الغيـاب، كان بينـا عشـره
القلب الى دقلى وقت الحنين لا يمكن هخونه
كنت اما بتعب م العذاب، بتكون بـ عشره
راحت الحياه جت السنين، مش هنسى لونـه
..
لحظات جميله كانت معاك بفتكـرهـا
لكن الظروف بتعيش فينا النسيــان
كانت الحكاية كان نفسـى فعلاً أكون بطلهـا
انا مش بلومك انا دمى لونـك مهما كان
..
انا دمى عمره ما ينسى مين رواه ،،
مهما الايام هدت ف حيلنا
انا اسمى فاكر وش دايماً كان سماه
ماقدرش اخون ولا لحظه حلوه
..
أمنتـك على حياتـى وأمنتـنـى ،
انا حافظ سرك جوه عينى ليوم الممات ،
ولا تلزمنـى الدنيـا علشان احكيلها ولا تهزنـي
ومستحيل أحكى لعين ولو تحت التراب
،،،
قابلت ناس غدارين من كل شبر ف الاراضـي
لكن أوعى عنيك ماتفرقش مابين لونين
لابلومك ولا بقول ده ذمب مين، عادي
لكن الاسود اسود والابيض عمره ماكان رمادي
..
لا كدبت ف يوم عليك ولا قولتلك أن حياتى أحلى جنه
وبنشوف نفسنا ف الاعاده خسرانين
والنهايه منى أو بيـك اتقسمنـا ..
لكن الى دايـم قلب مصر يرد الجميـل
...
ياما ماتت حكايات ومات ابطالهـا بكدب الناس
هو ابن أدم ولا حوا الى بيحكولك من الصالحين
يعنـى أزعل ع العشـره ولا ازعل من ناس ماتسواش
ولا ازعل على سنين اتبنت وبتتهد ف يومين
والسبب مش هما السبب سببك م الاساس
بترمى عنيك وودنـك لناس كلامها ببلاش
يرضى مين ؟
....
كلهم بيستخسروا فيا ضحكتـى !
قولـهـم انى شاريها !
فاكرنهـا صاحبـتـــى !
مايعرفوش الى فيها !
....
اكبر وجع ف الحيـاه انك تعيـش ف دور الدفاع
وتدافع عن حاجه ماعملتهاش
الاوجع حبايبك يشكو فيك ونظراتهم ليك مش باقتناع
وتظهر حقيقتك بس حقـك ماجاش
....
مابيوجعنيش غير انك تعكس عقرب الساعات
فين مرايتـك من عقاربك؟
عنيك ليه مش جايبه غير عكس الصفات
فين دماغك من عمايلك؟
....
بلاش تخلى الناس يهدوا الصوره الجميله
عمر الغراب ماكانوا شايفين ما بين سطورنـا
ماعدش باقى من أصولنا غير صوره زينه
بلاش تزيد بالتراب ليغَمى طولنا
...
بتمشى السنين لكن الايدين طابعه الوشوش
والحنين حافظ اللقاء
بيعادوا ناس ف الزمان مابيتعادوش
والعينين فاكره بغباء
انا مش هضرك ،
والى كان بينـا عمره أطول م الحيـاه .
تم أضافة تعليقك سوف يظهر بعد المراجعة