قال الإعلامى عمرو أديب، إنه فيما يتعلق بموضوع المقاول محمد على، ليس من أنصار المؤامرة أو أنه من الإخوان، مضيفاً:"محمد على نشر فيديوهات ثم تأتى 20 جهة تخلي مشاهدات الفيديوهات دي بالملايين".
وأضاف خلال تقديمه برنامج "الحكاية"، على فضائية "MBC مصر"، :"أنا مش هاممنى محمد على لأنه من أتفه ما يمكن بالنسبالى وبدأ يبقى ممل ومكرر ومبيضحكش، وقدامه أسبوعين تلاتة لأنه بيتكلم فى نفس الموضوع"، مردفاً:"المعلمين اللى شغالين بياخدوا منه كل يوم وينسج وحط، الجزيرة والجزيرة مباشر والشرق ومكملين والتايمز ومواقع الإخوان ورصد وكل بتوع 25 يناير واللى معاهم".
وتابع أديب: "اليوم كله انت متاخد ومفيش حاجة غير الموضوع ده، والموضوع ولا واحد فيهم بيشتغل عليه صحافة أو معلومات، بيكرروا الكلام اللى الراجل قايله عن الريس والجيش".
وأردف أديب: "فيه وشين جداد ظهروا الأسبوع اللى فات بالصدفة مع بعض، وائل غنيم ومحمد على، دا يغنى ودا يرد عليه، وفيه شتايم قبيحة وصعب حد يرد عليها، عشان محدش يقربلهم".
عدد الردود 0
بواسطة:
استضيفوا القاضى عماد ابو هاشم
اتمنى استضافة المستشار عماد لكشف الاخوان الخونه
المستشار عماد أخرس الاخوان لانه كان معهم فى تركيا ويحمل على الاعناق وهو شاهد على خيانتهم مع المخابرات التركيه بالمستندات والصور ولذلك هم لم يستطيعوا الرد عليه لكن مؤتمر الشاب يشاهدوا كل المصريين والعرب وغالبية العالم لذلك اتمنى استضافة المستشار عماد فى فقرة حروب الجيل الرابع ومعه أيضا القيادى الاخوانى السابق المحترم ثروة الخرباوى لكى يخرصوهم تماما
عدد الردود 0
بواسطة:
سماح صلاح
الاستاذ عمرو اديب
من اجمل الحلقات للاستاذ عمرو اديب شرح كل شي وفكرنا بحاجات حصل فى البلد كنا قربنا ننساها فعلا الذاكرة بقت ذاكره النمل شكرا استاذ عمرو أديب