"نفسك تبقى إيه لما تكبر".. سؤال نردده كثيرا على الأطفال مع بداية دخول الدراسة، وعادة ما تكون الإجابات تلقائية لتعبر عما يجول فى وجدانهم ولكنها تعكس فى النهاية دلائل عن شخصيتهم وأحلامهم فى المستقبل.
"نفسى اطلع القمر" بهذه الإجابة عبر بتلقائية الطفل "محمد" بالصف الأول الإبتدائى، بأحد المدارس الخاصة بالهرم بمحافظة الجيزة، عن أحلامه فى المستقبل ، قائلا: " نفسى اطلع القمر لما اكبر عشان عاوز أشوفه كله ومش بشوفه كويس على الأرض"، وكأنه يعبر عن حلمه فى أن يكون عالم يغزو الفضاء .
وعن الساعات الأولى التى قضاها فى المدرسة ، يقول "محمد" لليوم السابع : "مبسوط إنى رجعت المدرسة كانت وحشانى قد الدنيا دى كلها"، معربا عن سعادته بطابور المدرسة كونه من الأطفال المشاركين فى تحية العلم، قائلا: "كنت واقف ماسك العلم ووبيرددوا ورايا بلادى وتحيا مصر ".
وعندما سألناه كيف استعد للمدرسة ، رد " محمد" مبستما : "ماما جهزتلى الشنطة بليل وحطيت المياه فى الثلاجة وأنا بساعد ماما فى البيت وبنفضلها السجاد وهحكى ليها عن كل اللى عملته فى المدرسة لما أروح".
تم أضافة تعليقك سوف يظهر بعد المراجعة