قالوا الحب جنون قلت أنا ده زهرة تعطر كل الوجود
قالوا هتمشى فى طريق من شوك قلت طريق الحب كله ورد
قالوا الحب فترة وتفوت قلت الحب فى القلب مالهش حدود
قالوا الحب كله وعود كدابة قلت أنا بالحب صادق موعود
قالوا هتبقى من المجاريح الغلابة قلت الحب دوائى و فى قلبى يسود
قالوا وطن الحب غابة والأحزان ديابة قلت حبيبى معايا بالحب أسود
قالوا الفراق صعب ومرَ قلت اليوم على ذكراه يمر وبكره يعود
قالوا بكره تغنى نغمة حزن قلت الحب نغمة جميلة تعزف على وتر العود
قالوا العمر هيضيع قلت اللى راح من عمرى والجاى عشان خاطره
قالوا مالك إيه جرالك قلت بحب وقلبى عايش بالحب وبأمره
قالوا بعد الهجر قسوة قلت أنا الحب غنوة جميلة كله يوم تزيد حلاوته
قالوا الدنيا هتبقى صعبة قلت النظرة فى عيونه تكفى وتكفينى غلاوته
قالوا انشغال البال قلت أفكر فى حبيبى وارسم صورة له فى خيالى
قالوا سهر الليالى قاسى قلت أنا الحب يكون قمرى ويبدل حالى
قالوا كلمة الفراق جارحة قلت الحب أجمل كلمة اسمعها فى الدنيا
قالوا الحب لوحده مفيش فرحة قلت لحظة واحدة ويا حبيبى لو لثانية
قالوا الحب كله أوجاع ياما قلت أنا الحب جوا فى القلوب ينسيها
قالوا هتداوى الحزن بحزن قلت أنا الحب حكاية فرح بغنيها
قالوا قلبك هيبقى كراكيب مرمية قلت اللى يحب يسامح وينسى الأسية
قالوا هترجع طريق الحب بجروح تانية قلت الحب يداوى مرة تانية
قالوا بكره تعيد حساباتك وتندم قلت أنا الحب هو كل حاجاتى
قالوا الحب أنانى قلت القلب وطن وأنا أعيش فيه كل حياتى
قالوا احترنا أحنا فى أمرك قلت أنا حبيت وهويت من قلبى
وقالوا وقلت أنا كتير فى وصف مشاعر قلبى وحبى
وقالوا ..... وقلت أنا
تم أضافة تعليقك سوف يظهر بعد المراجعة