زمن ع الماشى
ضاعت أصول العشرة
كل شيء ع المزاج مرسوم
تضحك ساعات فى وجوه
جرحتك خايف عليها
تجرحها لو قولت كلمة لوم
تضحك بصوت عالي
دوشة تغطى بيها
على صوت الهموم
و إللى خاطرهم على راسك
كترت سكاكينهم
شاغلهم إنك ضحكت اليوم
يحسبوك جماد ما تحس
ويستغربوا إنك سليم
إمتى تبات محموم ؟!!
تطربهم لو تغنى الآه
وينصحوك إوعى تبات ظالم
ديما تبات مظلوم
ولو ينفرد طولك
يقولوا شاف نفسه
يرضيهم لو تنحنى
إياك للحظة تقوم
طبع الأصيل جواك
يكتفك أكتر
لما تقابلهم
تنسى إللى كان منهم
وتقول إحنا ولاد اليوم
تم أضافة تعليقك سوف يظهر بعد المراجعة