فيسبوك
واتساب
بعدنا عن ربنا وقلوبنا اتبدلت
الأب هان على الضنا والأم اتبهدلت
يا عينى على اللى بنى وربى شوف كام سنة
ولما ضهره انحنى إقامته اتحددت
عايش كأنه ميت ومشاعره متقطعه
كان ماشى على الاثنين دلوقتى على الأربعة
الدم بقى ميه والحب مات وخلاص
قوليلى يا دنيا ليه اتجمد الإحساس
قلوبنا وخدانا على سكة التايهين
وشيطاننا قوانا نجرح فى ناس غاليين
دى الدنيا دوارة وكله سلف ودين
أسيتنا يا خسارة فينكم يا بنى آدمين
ليه شيطاننا خلانا نِكسر أعز الناس
آه يانى آه يانا من قلة الإحساس
