يا رب مليش غيرك
أنا عبدك وأسيرك
ما غبت ولا لحظة
عن رحمتك وتدبيرك
يا رب انت اللى ليا
ف كل الدنيا ديه
ارحم دموع عينيا
واسترها يا رب عليا
ابنى حبيبى ف حضني
والاه منه توجعني
ودمعة عينه تقتلني
واذى البشر ما سابني
ابنى حبيبى وحشني
ضحكه ولعبه نقصني
فرحته وهوا يغني
ابنى تعبه يألمني
ابنى حبيبى ما رحمونا
ولا رحموا تعبنا وأذونا
باين فيه بشر نسيونا
و نسيوا تعبنا وقهرونا
ابنى حبيبى دا قدر
ناس ما يهمها اى ضرر
قلبى عليك يا ابنى انفطر
وقلوب ناس علينا حجر
يا رب راضيه بقدرك
عالم بالحال وأدرك
طالبه يا رب سترك
وتشفى ابنى العليل
ابنى حبيبى اغلى ما املك
لا حد بعدك ولا قبلك
خلى دايما فى الله املك
واللى معاه ربنا ما يهلك
يا ناس لو سمحتم بعد اذنكم
لو فيه ذرة انسانية عندكم
سيبونا ف حالنا من فضلكم
لا منكم ولا كفاية شركم
تم أضافة تعليقك سوف يظهر بعد المراجعة